| e-texts navigator |
| བོད་ཡིག |
28b1 byang chub sems kun byed las byung ba'i khungs kyi le'u ste nyi shu pa'o/ / // de nas byang chub kyi sems kun byed rgyal po des chos thams cad kyi khungs kyi rgyal po yin pa'i phyir nyid las byung ba'i tshig 'di gsungs so/ /kye sems
28b2 dpa' chen po rdo rje khyod nyon cig / nga ni chos rnams kun byed rgyal po ste/ /sku gsum ston pa'i pha ma nga yin la/ /dus gsum sangs rgyas kun gyi mes po yin/ /'khor gnas dus kyi ston pa'i sgron ma byed/ /kun byed
28b3 nga yi rang bzhin rnam gsum las/ /sku gsum ston pa nga las phyung bas ni/ /sku gsum de yi bshad lugs rnam gsum gyis/ /chos kyi bshad lugs rnam pa gsum yang bstan/ /de yang kun byed nga yis bstan pa
28b4 yin/ /kun byed rgyal po nga yis rang bzhin 'di/ /ston pa kun las khyad par 'phags pa'i phyir/ /gtan tshigs don gyi bshad lugs rnam pa lngas/ /ma nor nges pa'i gtan tshigs khungs bstan to/ /kye sems dpa'
28b5 chen po/ kun byed rgyal po byang chub sems/ /byang chub sems ni ye nas rdzogs pa che/ /rdzogs pa chen po rgyu 'bras 'das/ /rgyu 'bras 'das pa'i bshad lugs bstan pa dang / /kun byed byang chub sems kyi rang bzhin
28b6 las/ /sku gsum ston pa byung ba'i bshad lugs dang / /rnam pa gnyis kyi bshad lugs bstan pa'o/ /kun byed byang chub sems kyi bshad lugs ni/ /byang chub sems ni rgyu 'bras 'das pa'i phyir/ /gtan
28b7 tshigs don gyi bshad lugs lnga yis bshad/ /sku gsum ston pa gsum gyi bshad lugs ni/ phun sum tshogs pa rnam pa lnga nang du/ /chos kyi sku ni byin gyis brlabs kyis bshad/ /longs spyod rdzogs pa rang
28b8 gi ngo bo ston/ /sprul pa'i sku ni don rnams tshig tu sdeb/ /sku gsum ston pa'i bshad lugs rnam gsum ste/ /nga yi rang bzhin rnam gsum bshad lugs yin/ /kun byed nga ni rgyu 'bras 'das pa ste/ /
iiif viewer powered by OpenSeadragon
Texts on this page
J746 - chos thams cad rdzogs pa chen po byang chub kyi sems kun byed rgyal po