rKTs

e-texts navigator

Volume

Page

277a₁ gang gis phyogs dang dus brtags pa'i/ /de nyid de la rnam par snang / /sangs rgyas kyis ni de mi mkhyen/ /zhes gsang ba dam par bsngags so/ /la la ni 'di skad du/ bsam gyis ma khyab kun shes nas/ /bsam du med par de
277a₂ bzhag na/ /dpag tu med pa'i yon tan 'byung / /rnam pa thams cad mkhyen pa yin/ /zhes gsang ba dam par bsngags so/ /la la ni 'di skad du/ bsam gyis mi khyab mi shes par/ /bsam med ngang du gang 'jog pa/ /byis pa de ni blun pa ste/ /
277a₃ mun pa'i skye mched nyid du 'gyur/ /zhes kun nas brtse ba dam par bsngags so/ /la la ni 'di skad du/ bsam med bsam gyis mi khyab chos/ /lhag par mthong nas zhi gnas pa/ /rnam rtog spong len gang byed pa/ /de dag sgrib pa mu mtha' yas/ /
277a₄ zhes bshes gnyen dam pa nyid du gdams so/ /la la ni 'di skad du/ sna tshogs so so kun rig kyang / /kun grol rnam dag lam med na/ /dam pa nyid las shin du gol/ /nam yang nges pa rnyed pa min/ /zhes bka' dam par gdams so/ /
277a₅ la la ni 'di skad du/ sna tshogs rim gyis 'jug pa dang / /bsam spyod blo yi nang du 'gyur/ /bsam med yongs su rdzogs pa'i don/ /rim gyis pa yi dug chen yin/ /zhes khyad par dam par gdams so/ /la la ni 'di skad du/
277a₆ sna tshogs so sor ma rig par/ /de bzhin nyid du nges mi rnyed/ /de nyid nges pa ma rnyed na/ /sna tshogs smra ba rung ma yin/ /zhes nan tan dam par gdams so/ /la la ni 'di skad du/ mkha' la 'ja' snang ji bzhin du/ /bsam yas bsam
277a₇ snang de bzhin no/ /gcig tu nges pa med pa'i gsung / /ji ltar 'byung ba de ltar yin/ /zhes dpag dka' ba dam par gsungs so/ /la la ni 'di skad du/ kun gyi rtsa ba 'dir bshad pas/ /'di don gang rig thos pa'i mchog // thams cad 'di
277a₈ las 'byung bas na/ /'di shes kun shes shes rab mchog /ces shes rab mchog dam par bsngags so/ /la la ni 'di skad du/ gsang ba'i nang na gsang chen 'di/ /nyid kyis nyid kyang mi mthong bar/ /gzhan gyis mthong bar ga la 'gyur/ /de nyid

_{iiif viewer powered by OpenSeadragon}

276b - 277b

Texts on this page