rKTs

e-texts navigator

Volume

Page

275b₁ 'di skad du/ dpag med 'jig rten rdul rnyed na/ /'gro ba rdul phran bsam yas la/ /khyad par de bzhin nyid snang bas/ /til 'bru mar gyis khyab ltar gnas/ /shes gsungs so/ /yang bcom ldan 'das gser gyi 'od 'phro ngo bo nyid dag pas 'di
275b₂ skad du/ rdul phran gcig tsam gang zag la/ /dgongs te mdun du gsung brjod pa/ /dpag med mtha' yas rdul snyed tsam/ /de snyed kun du thos par grol/ /zhes gsungs so/ /yang bcom ldan 'das bkod pa'i rgyal po ngo bo nyid dag pas
275b₃ 'di skad du/ gsung gcig mi zad mtha' yas gsung / /mtha' dang dbus med kun du khyab/ /khyab dang khyab med rdo rje gsung / /sna tshogs dngos med de bzhin nyid/ /ces gsungs so/ /yang bcom ldan 'das gser gyi gsung ngo bo nyid dag
275b₄ pas 'di skad du/ gang yang ma bcos de nyid la/ /phyogs dang snga phyi dus med de/ /thams cad de bzhin nyid kyi dbyings/ /de nyid rang rig rang nyid do/ /zhes gsungs so/ /yang bcom ldan 'das dpal gyi rgyal po ngo bo nyid dag pas 'di skad
275b₅ du/ de nyid de snyed rang bzhin te/ /de snyed de nyid yin pa la/ /byis pa rnams kyis gnyis su bzung / /de la gnyis su dbye byar med/ /ces gsungs so/ /yang bcom ldan 'das snang ba brtsegs pa'i dpal ngo bo nyid dag pas 'di skad du/ /
275b₆ stong nyid nam mkha'i rang bzhin du/ /mi mthun pa dang gnyen po gnyis/ /ye nas dbyer med gcig pas na/ /gnod pas 'jigs pa ga la yod/ /ces gsungs so/ /yang bcom ldan 'das ngo bo nyid dag pa'i dpal ngo bo nyid dag pas 'di skad
275b₇ du/ mi 'gyur nam mkha'i rang bzhin te/ /dag pa dag la dag pa nyid/ /rtog pa dag la rtog par snang / /cis 'dul der snang ci yang med/ /ces gsungs so/ /yang bcom ldan 'das dga' mchog dpal ngo bo nyid dag pas 'di skad du/ /rang bzhin rang
275b₈ gis ma bcas pa/ /yong gis 'od gsal de bzhin nyid/ /kun gyi snying po de nyid pas/ /cis kyang ma bsgribs nam mkha' che/ /zhes gsungs so/ /yang bcom ldan 'das gzi brjid dpal ngo bo nyid dag pas 'di skad du/ ji bzhin pa nyid sa mchog ste/ /

_{iiif viewer powered by OpenSeadragon}

275a - 276a

Texts on this page