| e-texts navigator |
| བོད་ཡིག |
256b1 rnams la/ /bstan bya rnam pa bzhir gsungs pa/ /'dod rkyen bkri drang brgyud pa'i tshig /ldem dgongs don dam nges pa bzhi/ /snod kyi rkyen dang sbyar ba yin/ /'di kun shes bya'i gzhi gcig pa/ /'dod pas mthong ba tha dad pa'o/ /
256b2 'di ltar mthong sgo tha dad bzhin/ /rnam par snang 'byung bkod pa la/ /gang gis kun la zhugs bltas nas/ /gcig tu 'bebs pa dam pa'o/ /ji ltar bung ba khung tshol ba/ /kun du 'jug cing byung nas ni/ /rang gi gseng khung gang yin
256b3 par/ /nges par 'jug cing gnas pa ltar/ /rnal 'byor don gyi rjes tshol pa/ /spyod sgo ci yod bstun te bsdu/ /lta sgor 'jug cing brtags bsdur nas/ /don dam nges pa'i gsang nyid la'o/ /de nyid don gyi rjes gcad phyir/ /sgo mo kun
256b4 nas bsdur ba yi/ /bslab par bya ba'i thabs yin te/ /goms par bya ba rab tu gces/ /lang ka'i bdag po de dag ni phyis 'byung bar snang ba'i sgo yongs su dbye ba yin te/ /kun nas bsdur bar bslab pa'i mtha' yongs su
256b5 bgros par shes par bya'o/ /de skad ces smras pas/ dman pa'i lus kyi sems dpa' rnams chos thams cad kyi sgo rang snang bar shes par gyur to/ /sangs rgyas kun gyi dgongs pa 'dus pa'i mdo chen po las chos thams
256b6 cad kyi sgo rab tu dbye ba'i le'u zhes bya ste drug bcu brgyad pa'o/ / // de nas yang gsang ba pa'i bdag pos dman pa'i lus kyi sems dpa' rnams la smras pa/ kye grogs po dag mthar phyin par bya ba ni gang zhe na/ 'di lta ste/ bsam
256b7 gyis mi khyab pa'i rnam pa ni bsam du med pa mthar phyin par bya'o/ /bsam du med pa ni sems kyi de kho na nyid du mthar phyin par bya'o/ /sems kyi de kho na nyid ni dgongs pa dam pa 'dus pa'i de kho na nyid du mthar phyin par bya'o/ /
256b8 de ci'i phyir zhe na/ dgongs pa dam pa 'dus pa'i de kho na nyid la mkhas na sems kyi de kho na nyid la mkhas par 'gyur ro/ /sems kyi de kho na nyid la mkhas na bsam du med pa la mkhas par 'gyur ro/ /bsam du med pa la mkhas na
iiif viewer powered by OpenSeadragon
Texts on this page
J747 - de bzhin gshegs pa thams cad kyi thugs gsang ba'i ye shes don gyi snying po rdo rje bkod pa'i rgyud rnal 'byor grub pa'i lung kun 'dus rig pa'i mdo theg pa chen po mngon par rtogs pa chos kyi rnam grangs rnam par bkod pa zhes bya ba'i mdo