rKTs

e-texts navigator

Volume

Page

241a₁ bcu mtshon par gzhag / dngos po med kyang dngos por snang / /dngos por snang du btub pa'i dpe/ /ji ltar sgyu ma'i rang bzhin ni/ /skyes bu gang gi rtsol ba dang / /sman dang sngags kyi sbyor ba las/ /dbang po yid 'phrog cir yang snang / /
241a₂ de la 'gro'o dngos po med/ /'di ltar gsang ba'i rang bzhin yang / /med rgyu 'byung ba'i sbyor ba las/ /ji ltar snang 'byung rang bzhin med/ /gang 'dir smyig rgyu'i rang bzhin ni/ /'jigs 'byung g.yo ba'i dus dag la/ /de dang de yi rang bzhin
241a₃ las/ /byis pa gdungs pa'i 'du shes kyis/ /chu yi 'du shes nyer gzhag kyang / /tshim pa'i rgyu der ga la 'gyur/ /de bzhin de yi khyad par yang / /kun nas rang bzhin stong pa la/ /tha snyad mtshan ma ming du btags/ /de nyid stong
241a₄ pas de mi dmigs/ /gang 'dir chu yi zla ba ni/ /sgrib med mkha' la zla shar ba/ /gzugs brnyan dang ba'i chu na snang / /de la brtags pa'i dngos po med/ /de bzhin gang yang bkod med par/ /de nyid mkha' las gang gsal ba/ /gang 'dir
241a₅ snang ba de nyid de/ /de nyid dngos med 'dzin rtog bral/ /ji ltar rmi lam rang bzhin ni/ /gang zhig gnyid kyis non pa na/ /skad cig thang cig yud tsam dang / /lo la sogs pa ji snyed du/ /bde sdug sna tshogs myong bar snang / /
241a₆ de sangs ci yang mi dmigs ltar/ /stong nyid cir yang med pa la/ /stong pa'i khyad par cir spyad kyang / /spyod la ma chags ji bzhin pas/ /brtags na dmigs pa kun dang bral/ /sgra brnyan 'byung ba'i rang bzhin ni/ /rang gi
241a₇ gnas la sgras rkyen pas/ /de bzhin de ltar sgra brnyan 'byung / /de nyid ci yang med 'byung yin/ /gsang sngags gsang ba'i byin brlabs dag /gang gi ched du med 'byung ba/ /ci yang med la ci yang 'byung / /med rgyu btags chags bltas
241a₈ par snang / /gang 'dir mig yor rang bzhin ni/ /mig nad can la rdzas snang ba/ /'khrul pa'i ngo la snang bar zad/ /ji ltar snang ba gang yang med/ /spros bral rang bzhin stong nyid las/ /cho 'phrul rnam pa ci snang ba/ cho 'phrul nyid du snang bar zad/ /

_{iiif viewer powered by OpenSeadragon}

240b - 241b

Texts on this page