rKTs

e-texts navigator

Volume

Page

234b₁ gru ba dag la brten pas 'gro/ /mthar son pa na 'bor ba bzhin/ /thabs sam theg pa'i bye brag rnams/ /brten pas drang ba'i thabs yin yang / /don gyi nges pa rnyed ma thag /chu bo rgal ba'i gru bzhin 'dor/ /des na de bzhin nyid
234b₂ shes na/ /thams cad thams cad gang yang rung / /dam pa'i lam du nges pas na/ /lam gyi nang na nye lam yin/ /de skad ces gsungs nas cang mi gsung bar bzhugs so/ /kye grogs po dag de bas na dam pa rnams kyi rjes
234b₃ lam dam pa 'dir zhugs na thas cad nas thams cad du rnam pa thams cad kyi thams cad du shes pa dang / gsal ba dang / ma 'dres pa dang / yongs su rdzogs par 'gyur te/ 'khor ba yongs su shes par 'dod pas kyang lam
234b₄ 'di shes par bya'o/ /mya ngan las 'das pa yongs su shes par 'dod pas kyang lam 'di shes par bya'o/ /gzhan yang cho 'phrul chen po nyi shu thob par 'dod pas kyang lam dam pa 'di yongs su shes par bya'o/ /rtog pa'i ri bo brgyad
234b₅ cu gzhil bar 'dod pas kyang lam dam pa 'di yongs su shes par bya'o/ /ltung ba'i sgo dgu chad par 'dod pas kyang lam dam pa 'di yongs su shes par bya'o/ /de la sogs pa mtha' yas pa'i/ /thams cad thams cad yongs rdzogs
234b₆ pa'i/ /shes par 'dod pa gang dag gis/ /dam pa'i lam 'di shes par bya/ /sems nyid dam pa'i lam nyid de/ /mkha' la bya lam rjes med bzhin/ /nyam nga log med dam pa'i lam/ /'di ltar nges pa'i lam 'di yang / /kun gyis shes par bya
234b₇ ba'i phyir/ /tshig gi lam gyis nyer mtshon te/ /brjod med tshig gi yul bral ba/ /de yi rang bzhin de nyid na/ /rang bzhin ma bcos de bzhin nyid/ /de la ming med ming btags rgyus/ /mthong dang ma mthong tha dad 'gyur/ /de las spyod pa'i gzhir
234b₈ gyur te/ /brjod pas de nyid mthong bya'i phyir/ /tshig gi lam ni rnam grangs las/ /tshig lam sgo mo dpag med 'gyur/ /de las dam pa'i rjes bcad pa/ /gang gi thugs las byung ba'i lung / /sgron mas nye bar gter btsal ba/ /nye lam byang chub dam pa ni/ /

_{iiif viewer powered by OpenSeadragon}

234a - 235a

Texts on this page