rKTs

e-texts navigator

Volume

Page

220b₁ 'di ltar yongs su shes par bya ste/ sangs rgyas kun gyi thugs kyi chos nyid dang / sems can kun gyi sems kyi chos nyid du shes par bya'o/ /de ni mun snang gnyis su snang yin te/ lang ka'i bdag po de yang 'di ltar bcom
220b₂ ldan 'das gsang ba mchog gi bdag po de gsang ba'i gnas pad mo can zhes bya ba gtsug tor 'khor los sgyur ba'i sprul pa'i lhums/ gsang ba mchog gi pho brang na skad cig bzhugs pa de'i tshe de'i dus na/ gang skyes
220b₃ bu dam pa dpag tu med pa dag de kho na nyid gsang ba dam pa'i the tshom gcod pa dang / yongs su zhu ba dang / zhu bar sdog pa dang / the tshom chad nas slar dong ba dang / gang kho bo 'khor der 'dus par gyur par bcom ldan
220b₄ 'das la 'di skad ces gsol to/ /bcom ldan 'das bdag cag gis byang chub kyi snying po zhes bgyi ba chos thams cad kyi rtsa ba de ma mthong ma dmigs lags so/ /yang dag par ma rnyed nges par ma 'tshal ba
220b₅ lags so/ /bgrod pas ma khyab lags na 'di gang na mchis/ gang du btsal/ gang zhig lags/ gang la bgyi/ gang du stor/ bcom ldan 'das dus kyi skad cig ma 'di nyid du bstan du gsol/ bde bar gshegs
220b₆ pa 'di bstan du gsol/ zhes zhus pa las/ /bcom ldan 'das des 'di skad ces bka' stsal to/ /sems dpa' chen po byang chub kyi snying po zhes bya ba chos thams cad kyi rtsa ba de ni sgrib pas ma mthong /
220b₇ med pas ma dmigs/ zab pas ma rnyed/ dka' bas ma shes/ myur bas ma slebs/ yangs pas ma khyab pa yin te/ 'di mun pa'i khams na yod/ grong khyer gsum du btsal/ 'di yan lag dang mdo dang rtsa ba yin/ ngo bo de kho na
220b₈ nyid la bya/ mun pa'i khams su stor/ sems dpa' chen po de lta bas na mun pa 'di bsal ba'i phyir 'di'i rang bzhin la mkhas par bya'o/ /de bzhin du ngo bo dang / mtshan nyid dang / yan lag dang / ji srid pa'i yun dang / las

_{iiif viewer powered by OpenSeadragon}

220a - 221a

Texts on this page