rKTs

e-texts navigator

Volume

Page

216a₁ mkha' ni yod pa las med par gyur pa ma yin/ med pa las yod par gyur pa ma yin/ de bzhin du gsal ba las mi gsal bar gyur pa dang / mi gsal ba las gsal bar gyur pa dang / tha dad pa las gcig tu gyur
216a₂ pa dang / gcig pa las tha dad du gyur pa dang / yin pa las myin par gyur pa dang / myin pa las yin par gyur pa dang / nye ba las ring bar gyur pa dang / ring ba las nye bar gyur pa dang / de bzhin du che ba dang / chung bar gyur pa dang / bzang
216a₃ ba dang / ngan par gyur pa dang / bde ba dang / sdug bsngal bar gyur pa dang / khyab pa dang / ma khyab par gyur pa dang / 'byung ba dang / mi 'byung bar gyur pa dang / dag pa dang / ma dag par gyur pa dang / grub pa dang / ma grub par gyur pa dang / mtho ba dang /
216a₄ dma' bar gyur pa dang / yangs pa dang / dog par gyur pa dang / dbyibs dang / dbyibs med par gyur pa dang / kha dog dang / kha dog med par gyur pa dang / phyi dang nang du gyur pa dang / skye ba dang 'gag par gyur pa dang / 'pho ba dang / mi 'pho bar
216a₅ gyur pa dang / 'gyur ba dang / mi 'gyur bar gyur pa dang / mun pa dang / snang bar gyur pa dang / sngon dang / phyi mar gyur pa dang / mtha' dang / dbus su gyur pa dang / bdag dang / gzhan du gyur pa dang / de bzhin du blangs nas dor bar gyur
216a₆ pa dang / dor ba las blangs par gyur pa med pa'i phyir nam mkha' ni thams cad nas thams cad du ma bcos pa'o/ /de bzhin du 'di nyid kyang sbyar te/ de'i phyir ma bcos pa'o/ /lang ka'i bdag po 'di lta ste/
216a₇ dper na nam mkha' ni sus kyang ma byas/ byed pa po med/ rgyu las ma byung / rkyen las ma bskyed/ dang por ma skyes/ tha mar mi 'jig /thog ma dang tha mar mi dmigs/ thob pa dang / ma thob pa med/ re ba dang / brtsal
216a₈ ba med do/ /de'i phyir nam mkha' ni sus kyang ma byas/ byas pa med pas gnyen po med do/ /de bzhin du de nyid kyang byed pa med pa'i phyir ma byas pas gnyen po med do/ /lang ka'i bdag po 'di lta ste/ gang zhig nam mkha'i

_{iiif viewer powered by OpenSeadragon}

215b - 216b

Texts on this page