rKTs

e-texts navigator

Volume

Page

214b₁ rgyu brtags chags pa/ /bsgrubs 'grub ji ltar bltas par snang / /gang dag gang la brda phrad pas/ /gang gi don len nyid du nges/ zhes nges pa dam pa nyid du bgros pas dman pa'i lus kyi sems dpa' rnams chos thams cad
214b₂ brda tsam gyis gang gi nges pa rnyed par gyur to/ /sangs rgyas kun gyi dgongs pa 'dus pa'i mdo chen po las nges pa dam pa'i yan lag bgros pa'i le'u ste lnga bcu rtsa gcig pa'o// // de nas yang gsang ba pa'i bdag po des dman
214b₃ pa'i lus kyi sems dpa' chen po lang ka'i bdag po la yid yongs su 'jug pa'i thabs kyis bos te smras pa/ lang ka'i bdag po yan lag gi/ mthar zad rtogs 'jug thabs nyid ni/ /rang bzhin 'byung sgo dbang sbyor dang / /nges pa khong du chud pa yis/ /
214b₄ yang dag don la nges gzhag bya/ /shes dang 'jug dang 'bras bu dang / /lhun gyis grub pa'i mtshan nyid yin/ /de 'brel de dgos de mtshon dgos/ /de yi rjes su byed dgos yin/ /thos chung goms dang nges par gyur/ /phye mthong zhugs dang thob
214b₅ pa yin/ /de tshol de rnyed 'jug mngon gyur/ /bsnyen pa nye bsnyen sgrub dang 'grub/ /de bzhin mnyam 'gyur rnal 'byor par/ /lhun grub las su rung ba'o/ /de ni nges par 'jug rims yin/ /gzhan gyi don du 'byung rims bzhi/ /g.yo
214b₆ dang cho 'phrul snang mdzad pa'o/ /ji ltar rim bzhin sbyar ba yin/ /de shes de ma skyes par shes/ /de dus dngos med shes pa dang / /ye nas shes pa'i rim bzhin no/ /thams cad mnyam nyid de nyid dang / /bsgrub dang mi 'da' spyod
214b₇ 'thun rdzas/ /rang bzhin rnam pa lngar snang ba'o/ /gang mkhas che dang mang yas yangs/ /sgyur dang rlabs chen cir ston dang / /kun shong kun spyod bder 'jug pa'o/ /bcom dang zhi dang mtha' rgyas dang / /chub par 'dus pa las
214b₈ bzhi'o/ /gang du sbyor ba'i yan lag 'dis/ /yan lag thams cad rdzogs pa yin/ /lang ka'i bdag po de dag ni yan lag yin te/ yan lag des gang ltar brjod pa thams cad rnam par 'byed par shes par bya'o/ /de skad ces

_{iiif viewer powered by OpenSeadragon}

214a - 215a

Texts on this page