rKTs

e-texts navigator

Volume

Page

214a₁ 'debs skyon tshig rnams/ /gang mi 'tshal ba der 'tsham sbyor/ /gang dag yid la btags pa'i zas/ /khong nas 'dod pa'i bcud 'byin byed/ /gang du dmigs su 'dzin pa yis/ /gang mi gsal bar mngon par ston/ /
214a₂ ji ltar sgra brnyan rgyun byung na/ /gang skye'i dus su yid ches 'gyur/ /de bzhin tshad ma'i yul byung na/ /ma bcos de nyid yin par nges/ /gang 'dir dag pa'i me long gis/ /bzhin dang gzugs brnyan ston pa ltar/ /nye bar mtshon
214a₃ pa'i me long gis/ /gang mi mthong ba gsal bar byed/ ji ltar snrel gzhi 'chol 'khrugs pa/ snol mtshams 'phen sdud 'chol mtshams sbyor/ rtsal chen rol pa'i stobs chen ltar/ /de nyid rig pa nyid du sbyor/ /lang ka'i
214a₄ bdag po de dag ni/ /gang smra brjod du 'dren pa yi/ /yan lag kho nar shes par gyis/ /zhes gsang ba ba'i bdag pos de skad ces smras pas/ /lang ka'i bdag po la sogs pa dman pa'i lus kyi sems dpa' rnams thams cad la
214a₅ gang du smra ba'i sgo yongs su 'byed par gyur to/ /sangs rgyas kun gyi dgongs pa 'dus pa'i mdo chen po las yongs su 'dren pa'i yan lag rnam par bgros pa'i le'u ste lnga bcu pa'o// // de nas yang gsang ba pa'i bdag po des
214a₆ sems dpa' chen po lang ka'i bdag po de la nges par bos te rnam par smras pa/ lang ka'i bdag po 'di lta ste/ gang du nges pa'i yan lag ni/ /gang la gang gis gang brjod pa/ /'brel bzhi bshad sbyor brjod pa'i sgo/ /yongs su dag
214a₇ pa lha nge ba'i/ /gang la spyan ras gzigs dbang gis/ /mtha' thug med pa'i 'gro gang dag /'di na snod bzhi kho nar gzigs/ /zhen chags can dang log sred can/ /rigs rgyud can dang blo gros can/ /thams cad cha bzhir snang ba ste/ /
214a₈ 'dod khrid sbyor dang nges par snang / /de dag res 'ga' cha bzhi ste/ /gang du dgongs pa gang nges pa/ /ngo bo dmigs dang bcas ba las/ /bka' don gtan tshigs rigs pa bzhir/ /snang dang mi 'gal rgyas 'thad sbyar/ /thams cad med

_{iiif viewer powered by OpenSeadragon}

213b - 214b

Texts on this page