rKTs

e-texts navigator

Volume

Page

213b₁ chos thams cad dgongs 'brel yan lag bzhir 'dus par go cha bgos so/ /de nas lang ka'i bdag po la sogs pa dman pa'i lus kyi sems dpa' rnams kyis kyang dgos 'brel yan lag bzhi'i sgo nas chos thams
213b₂ cad yongs su chub par gyur to/ /sangs rgyas kun gyi dgongs pa 'dus pa'i mdo chen po las 'brel pa dgos ched kyi yan lag bstan pa'i le'u ste bzhi bcu rtsa dgu pa'o// // de nas yang gsang ba pa'i bdag pos lang
213b₃ ka'i bdag po la bos te smras pa/ lang ka'i bdag po de la 'dren pa'i yan lag gang zhe na/ gang las gang du yongs su 'dren pa ste/ de yang 'di ltar bgro ba rnam par yongs su bgro bar bya'o/ /lang ka'i bdag po 'di lta ste/
213b₄ yongs su 'dren pa'i yan lag ni/ /bcu phrag gcig gis 'dren pas ni/ /smra brjod tshig gi yan lag rdzogs/ /gang la lta dang sgo 'byed dang / /sdud dang 'byor par 'dren pa dang / /rkyen dang gzhan dmigs 'dzin pa'i tshig /ma bcos me
213b₅ long snrel gzhi rnams/ /me long bcu dang 'thun sbyar bas/ /tshig don rnam par sbyar ba yin/ /lang ka'i bdag po 'di lta ste/ gang la lta dang lta ba ni/ gang 'dir mkha' la 'gro ba ni/ /rtsal gyis nam 'phang rlabs su gcod/ /de bzhin
213b₆ de nyid 'dir 'gro ba/ /ma 'dres lta 'phangs rlabs su gcod/ /bgrod par bya ba'i sa tshigs dag /rtsal tshad dag gi tshad du gcod/ /de bzhin don dang tshig mtshams dag /don gyi tshigs dang tshoms su gcod/ /ji ltar gang gi khobs 'og tu/ /
213b₇ sa khams mang po chud pa ltar/ /brjod pa'i rnam grangs mang po kun/ /gang gi ngo bo gcig tu sdud/ /gang dang gang ltar 'gro ba dag /drang por 'brel rjes gnon par snang / /brjod dang brjod pa'i tshig mtshams dag /gang 'dir mi 'khrug 'brel
213b₈ bar sbyor/ /gang 'gro gnas su bgrod pa ni/ /g.yo 'gul mi mngon shugs kyis 'gro/ /yi ge brjod dang rang gnyer gyis/ /gang gi ngo bo de bzhin sbyor/ /gang zhig gang ltar gang 'gro ba/ /mi 'tsham pa la der 'tsham snang / /brlang po zher

_{iiif viewer powered by OpenSeadragon}

213a - 214a

Texts on this page