rKTs

e-texts navigator

Volume

Page

212b₁ bcom ldan 'das sems dpa' rdo rje 'di ni 'di ltar mthu che ba/ 'di ltar byin gyis brlabs che ba/ 'di ltar rgya che ba/ 'di ltar mkhas pa/ 'di ltar gsal zhing zab pa ni bcom ldan 'das kyi thugs dang 'brel cing thugs las skyes pa/ de kho na nyid dang
212b₂ 'brel cing de kho na nyid las skyes pa lags so zhes gsol pas kho bo la bstod pa dang / lang ka'i bdag po bcom ldan 'das des de dag la bka' stsal pa/ 'dus pa chen po'i tshogs sems dpa' rdo rje 'di ni byang chub kyi sems
212b₃ kyi ngo bo/ snying rje thams cad kyi bdag po/ thabs thams cad kyi mchog /sangs rgyas thams cad kyi rje btsun/ byang chub sems dpa' thams cad kyi yab/ rnal 'byor kun gyi rnal 'byor/ mya ngan las 'das pa kun gyi ded dpon/
212b₄ bdud thams cad kyi yang bdud chen po/ /sangs rgyas thams cad kyi yang gdul dka' 'dul ba/ chos thams cad kyi mdzod/ gsang ba thams cad kyi bdag po/ ye shes thams cad kyi 'byung gnas chen por gyur pa yin no/ /
212b₅ de ci'i phyir zhe na/ thog ma dang tha ma med par mnyam pa'i dus pha mtha' las kyang pha mtha' dpag tu med cing bsam du med pa 'byam klas pa'i dus na/ bya ba byas shing byed pa byas pa/ mngon par rdzogs par sangs rgyas pa yin te/
212b₆ de ni chos thams cad kyi rang bzhin du sbyor zhing chos thams cad kyi rang bzhin du 'brel bas rgyal ba thams cad kyi thugs las skyes shing thugs dang 'brel ba/ thams cad kyi yab tu gyur pa yin te/ de 'dra'o zhes kho bo la bsngags
212b₇ pa brjod pa bka' stsal ba las/ 'dus pa'i tshogs 'khor thams cad ngo mtshar du gyur te gsol pa/ bcom ldan 'das de ni 'di ltar ngo mtshar lags so/ /bde bar gshegs pa de ni 'di ltar ngo mtshar lags so zhes
212b₈ gsol te/ sems dpa' rdo rje dam pa de la logs su btud nas lus kyi bag bzhi sa la phab pa'i phyag rnal 'byor gyi lugs su byas nas rmad du byung ba'i me tog dang / ting nge 'dzin gyi mchod pa sna tshogs byas te/ 'di ltar rmad

_{iiif viewer powered by OpenSeadragon}

212a - 213a

Texts on this page