rKTs

e-texts navigator

Volume

Page

212a₁ po chos kyi me long 'di/ /rgyal mchog chos kyi rgyal po nyid kyi mthus/ /'dus pa'i tshogs la rgya cher brjod par 'os/ /a ho zhes gsol ba btab pa las/ gsang ba mchog gi bdag po des bdag rdo rje las kyi bka'
212a₂ bar bsgo ba de rdo rje brjod pa chen por byin gyis brlab pa'i phyir rdo rje rnam par 'phro ba zhes bya ba'i ting nge 'dzin la snyoms par zhugs nas ljags kyi 'od zer las/ badzra karma sa twa tsakra ha ha ha~M/ rdo rje rgya gram gyi 'khor lo 'bar ba
212a₃ sems dpa' rdo rje kho na bdag de'i lag tu babs par gyur nas las kyi rdo rje'i dbang thob ste/ rnam par smra ba chen po shin du bla bkyal ba'i spobs pa can du byin gyis brlabs nas kun du mi gzob rab tu bag dang ldan pa chen por
212a₄ gyur to/ /de nas bdag sems dpa' rdo rje des las kyi mtshan ma de lag tu blangs nas rdo rje tshig sna tshogs kyis lan lnga ste/ rnam pa bcu gnyis su bskor nas/ grangs gnyis dang lngar bsgyur bas zhing khams mtha' rnam par dag
212a₅ par g.yos te/ g.yos rab tu g.yos/ kun tu rab tu g.yos/ 'gul rab tu 'gul/ kun tu rab tu 'gul/ ldeg rab tu ldeg /kun tu rab tu ldeg / 'khrugs rab tu 'khrugs/ kun tu rab tu 'khrugs/ 'ur rab tu 'ur/ kun tu
212a₆ rab tu 'ur/ chem rab tu chem/ kun tu rab tu chem/ mtha' mtho na ni dbus dma'/ dbus mtho na ni mtha' dma'/ shar mtho na ni nub dma'/ nub mtho na ni shar dma'/ lho mtho na ni byang dma'/ byang mtho na ni lho dma'
212a₇ bar 'gyur te/ zhing khams thams cad bdag rdo rje sems dpa' sha dag lta bur gyur nas gsang sngags kyi ngo bo nyid phyin ci ma log pa'i tshul gyis rgya cher brjod pa'i sgra rnam par brjod do/ /bdag sems dpa' rdo rje nyid rnam par rngom
212a₈ pa'i tshul gyis ston pa'i mdun logs su seng ge rdo rjes mtshon pa'i khri la 'gying bag gi tshul gyi rnam par gnas so/ /de nas 'dus pa'i tshogs 'khor phal mo che rnams kyis bcom ldan 'das la 'di skad ces gsol to/ /e ma'o

_{iiif viewer powered by OpenSeadragon}

211b - 212b

Texts on this page