rKTs

e-texts navigator

Volume

Page

210b₁ mtsho rol pa'i gru yis sgrol/ /de bzhin gshegs pa kun gyi thugs chen po/ /ye shes don gyi snying po mchog dang ldan/ /rnal 'byor theg chen rdo rje kun 'dus lung / /'dus pa'i tshogs la rgya cher bshad du gsol/ /a ho
210b₂ zhes nges par btud de gsol ba btab bo/ /de nas bcom ldan 'das gsang ba mchog gi bdag po de rdo rje rol pa de kho na nyid kyi glu des gsol ba btab pas 'khor thams cad la gzigs te 'dzum pa mdzad pas/ thugs
210b₃ rnam par dag pa'i glong nas rig pa'i nyi ma brjod kyis mi lang ba'i yang mi lang ba 'od zer 'byam klas pa kun nas kun tu khyab par mdzad do/ /'od zer de dag re re las rdo rje gnod sbyin dang / rdo rje srin po lta bu'i gzugs
210b₄ sna tshogs 'byung ngo / /de dag re re las kyang sangs rgyas 'bum phrag dpag tu med pa 'khor so so'i zham ring dang bcas pa zhing khams mtha' yas par khyab cing snang bar gyur to/ /de las rig pa'i nyi ma'i 'od nam mkha'i
210b₅ khams khyab par byung bas mun pa mun nag smag tu gyur pa thams cad yang dag par bsal lo/ /rig pa'i chos kyi 'brug sgra dang / chos kyi char dang / chos kyi glu sna tshogs dang / chos kyi gar sna tshogs dang / chos kyi mchod pa sna tshogs
210b₆ 'byung te/ 'byam klas pa'i nam mkha' la phan tshun dang / yan man dang / snrel zhi la sogs pa thams cad du khyab par ling long phyed par byung ngo / /rmad du byung ba'i sku bsam gyis mi khyab pa'i 'od zer 'bar 'phro 'khrug cing ling long
210b₇ phyed do/ /rmad du byung ba'i thugs kyang lhang nge'o/ /rmad du byung ba'i gsung bsam gyis mi khyab pa yang a ho zhes sgrogs so/ /sangs rgyas dpag tu med pa yang gsung bsam gyis mi khyab pa'i sgra gcig tu e ma'o rmad byung rol pa'i
210b₈ chos kyi don byung ngo zhes sgrogs/ /'khor 'bum phrag dang gdul bya sna tshogs spro ba'i ngo mtshar bskyed/ rig pa'i rtsal sbyangs/ don gyi che ba phyung / ngam zhing ngo mtshar bar gyur te/ thams cad nye bar gnas so/ /zhi bar gnas so/ /

_{iiif viewer powered by OpenSeadragon}

210a - 211a

Texts on this page