rKTs

e-texts navigator

Volume

Page

205b₁ gang gi cha dang 'dren mas de dag bsgyur ba'o/ /cha 'thun sbyor ba ni 'di ltar gang gi cha bzhin spyod pas 'di ltar sbyor ba'o/ /gdams ngag nan tan gyi lung ni 'di ltar gang la gang gces spras byas te 'jog pa'o/ /lang ka'i bdag
205b₂ po/ de la don dam nges pa'i lung ni 'di lta ste/ dgos pa dang / nges pa dang / ngo bo dang / gal po'o/ /lang ka'i bdag po de la dgos pa gang zhe na/ 'di lta ste/ gang byung ba dag gang gi phyir brtags te/ de ltar de'i phyir ngos zin pa'o/ /nges
205b₃ pa ni 'di ltar gang la gtan la phab pa de'i nges pa rnyed pa'o/ /rang gi ngo bo ni 'di ltar gang brtags pa brjod pa'i dngos bzhi'o/ /gal po ni 'di ltar gang la gang gang gis gal du gtod pa nyid do/ /lang ka'i bdag po de dag
205b₄ ni nges pa dam pa'i lung ste/ mdo bzhi po de dag ni dgrol ba'i lde mig ste/ gang spyod pas 'dren pa'i sgo gang yin pa de ni nges dgrol zhing gang de nyid du gsal bar byed pa'o/ /lang ka'i bdag po de la rtsa ba gsum
205b₅ gang zhe na/ 'di lta ste/ blo'i rtsa ba dang / gros kyi rtsa ba dang / thabs kyi rtsa ba'o/ /lang ka'i bdag po de la blo'i rtsa ba ni 'di ltar ji bzhin pa'i de bzhin nyid du mi rtog rnam par mi rtog lhan ne ba'o/ /lang ka'i bdag po gros
205b₆ kyi rtsa ba ni 'di ltar gang thams cad nas thams cad du ma 'dres pa la ma rmongs pa nyid sa le ba'o/ /lang ka'i bdag po thabs kyi rtsa ba ni 'di ltar gang yongs su rdzogs pa la rnam par dag pa nyid do/ /lang ka'i bdag po de
205b₇ dag ni rtsa ba ste/ rtsa ba gsum po 'di dag ni 'byed pa'i lde mig ces bya ste/ gang spyod pas 'dren pa'i sgo gang yin pa de ni des 'byed cing de nyid du gsal bar byed do/ /sangs rgyas kun gyi dgongs pa 'dus pa'i mdo chen po
205b₈ las/ bkod pa rnam par 'grel pa'i le'u ste bzhi bcu rtsa lnga pa'o// // de nas lang ka'i mnga' bdag byang chub sems dpa' sems dpa' chen po des gsang ba pa'i bdag po la sgo gnyis kyi dri ba yongs su dris pa/ kye gsang ba pa'i

_{iiif viewer powered by OpenSeadragon}

205a - 206a

Texts on this page