| e-texts navigator |
| བོད་ཡིག |
202a1 gyis/ /mtshon nas rnam grol sa dag la/ /brgyud de drang ba'i thabs nyid du/ /ci rigs tsam du bgro bar bya/ /rang bzhin ye nas sangs rgyas pa/ /mthong dang ma mthong rnam gnyis la/ /dman pa'i skabs
202a2 na de mthong myin/ /mthong ba dam pa'i skabs na'o/ /mthong ba mngon thos rnam gnyis la/ /mthar phyin dam pa mngon sum pa/ /blo gros rnal 'byor spyod yon can/ /thos pas mthong bar 'gyur phyir ro/ /stug po
202a3 bkod pa'i rgyal ba yang / /chos sku snying por gyur pas na/ /de yi 'gro ba mi smin phyir/ /gzugs sku bstan nas tshig lam brjod/ /'das pa ma 'ongs da ltar gyi/ /dpag tu med pa'i dus rnams su/ /rgyal
202a4 ba rnams kyi dgongs pa gang / /ji ltar rnam par bgros pa nyon/ /lang ka'i bdag po 'di lta ste/ /dam pa rnams kyi dgongs pa la 'jug par 'dod na mdzod du 'jug par bya'o/ /rang bzhin ma bcos par bya'o/ /
202a5 ljon shing skyes par bya'o/ /dam par 'jug par bya'o/ /sgron ma bsrel bar bya'o/ /khyad par du 'gro bar bya'o/ /yul la 'jug par bya'o/ /me long brtag par bya'o/ /'thun par 'jug par bya'o/ /nad gso
202a6 bar bya'o/ /smras pa/ /gsang ba pa'i bdag po chos kyi rnam grangs bcu po de dag ji ltar yongs su shes par bgyi/ smras pa/ lang ka'i bdag po chos kyi rnam grangs bcu po de dag las dang po dam pa rnams kyi mdzod
202a7 du 'jug par bya na sgo gsum nas zhugs pas gang med la mi zad pa'i mdzod du 'jug pa nyid do/ /smras pa/ gsang ba pa'i bdag po sgo gsum gang lags/ smras pa/ lang ka'i bdag po sgo gsum 'di lta ste/ spyod
202a8 pas 'dren pa'i sgo dang / thabs kyi sbyor sgo dang / nges pa'i gsang sgo dang gsum mo/ /smras pa/ gsang ba pa'i bdag po sgo de dag gang gis 'byed pa lags/ /smras pa/ lang ka'i bdag po sgo de dag ni lde mig gsum gyis 'byed par
iiif viewer powered by OpenSeadragon
Texts on this page
J747 - de bzhin gshegs pa thams cad kyi thugs gsang ba'i ye shes don gyi snying po rdo rje bkod pa'i rgyud rnal 'byor grub pa'i lung kun 'dus rig pa'i mdo theg pa chen po mngon par rtogs pa chos kyi rnam grangs rnam par bkod pa zhes bya ba'i mdo