rKTs

e-texts navigator

Volume

Page

199b₁ lang ka'i bdag po gzhan yang ni/ /de nyid yin pa'i sangs rgyas ni/ /nam mkha' rnam par snang bar mdzad/ /sa ni mi g.yo rdo rje 'dzin/ /me nyid rin chen 'byung bar ldan/ /chu ni mnyen gsal snang mtha' yas/ /
199b₂ rlung ni kun 'byed gdon mi za/ /lang ka'i bdag po 'di lta ste/ /gang 'dir sangs rgyas med pa ni/ /thams cad stong par ye sangs te/ /des khyab ma 'dres sangs rgyas nyid/ /ma bcos ye nas sangs rgyas pa/ /'byung ba chen
199b₃ po bcom ldan 'das/ /lang ka'i bdag po de dag ni/ /'khor lo rgyun gyi theg pa sta/ /ngang gis rgyun gyi 'khor lor 'byung / /brtan g.yo kun la rang bzhin gnas/ /lang ka'i bdag po gzhan yang gang / /don dam nges pa'i
199b₄ theg pa ni/ /gsum du nges par snang ba ste/ /kun 'byung 'dren dang dka' thub rig /dbang sgyur thabs kyi theg pa'o/ /gang 'dir 'dren pa 'di lta ste/ /yul gsum nges par snang ba ni/ /tha ma 'bring dang rab tu snang / /tha ma'i
199b₅ yul du gyur pa ni/ /shin tu ya nga'i las spangs te/ /yid 'ong 'dul ba'i tshul bzung nas/ /rang gi rtsa ba der bskrun pa/ /so sor thar pa'i lam du snang / /'bring gi yul du gyur pa ni/ /'di kun rten cing 'brel byung la/ /
199b₆ bdag med chos gcig med mthong bas/ /brjod med sprul pa'i chos rnams ston/ /rang gi rtsal gyis bder gnas pa'o/ /rab kyi yul du gyur pa ni/ /bdag med byams snyoms rtog las 'das/ /yul med ma
199b₇ skyes phyogs dang bral/ /sa dang rnam thar bder bskrun pas/ /dngos med ngo bo nyid sku thob/ /lang ka'i bdag po gzhan yang gang / /dka' thub rig byed theg pa ni/ /'di yi yul gyis gsum nyid de/ /tha ma dag la snang ba ni/ /
199b₈ dka' thub sdom dang brtul zhugs dag / mnyam nyid mi g.yo skye med la/ /bkur 'os 'dun pa'i tshul bzung nas/ /rigs kyi rdo rje 'dzin gnas pa'o/ /'bring la rnam par snang ba ni/ /bya ba dag pa'i las spyad de/ /rnal 'byor

_{iiif viewer powered by OpenSeadragon}

199a - 200a

Texts on this page