| e-texts navigator |
| བོད་ཡིག |
18b1 rtsa ba bsdus pa 'di gsungs so/ /kye sems dpa' chen po nyon cig /chos thams cad kyi rang bzhin dang rtsa ba ni 'di lta ste/ nga ni chos kun rang bzhin yin pa ste/ /nga yi rang bzhin las ni chos gzhan med/ /
18b2 ston pa sku gsum nga yi rang bzhin yin/ /dus gsum sangs rgyas nga yi rang bzhin yin/ /byang chub sems dpa' nga yi rang bzhin yin/ /rnal 'byor rnam bzhi nga yi rang bzhin yin/ /'dod khams gzugs
18b3 khams gzugs med khams gsum yang / /kun byed nga yi rang bzhin bstan pa yin/ /'byung chen lnga yang nga yi rang bzhin yin/ /rgyud drug sems can nga yi rang bzhin yin/ /snang ba thams cad nga yi rang bzhin yin/ /srid pa thams cad nga yi rang bzhin
18b4 yin/ /snod bcud bsdus pa nga yi rang bzhin yin/ /nga yi rang bzhin las ni gzhan med pas/ /chos rnams kun gyi rtsa ba nga la 'dus/ /nga las ma 'dus pa ni gcig kyang med/ /ma skyes pa dang skye ba'i cho 'phrul dang / /
18b5 thugs rje'i rang bzhin rnam pa gsum byung ba/ /de ni ston pa gsum gyi rang bzhin yin/ /snga pa da lta phyi pa dus gsum yang / /nga nyid gcig tu gnas pa'i rang bzhin las/ /sangs rgyas thams cad gcig tu
18b6 gnas pa'i phyir/ /de yang nga yi rang bzhin bstan pa yin/ /nga nyid gzung 'dzin bral bas byang ba dang / /nam mkha' bzhin du kun la khyab pa dang / /chos rnams kun gyi snying po byed pa'i phyir/ /byang chub
18b7 sems kyang nga yi rang bzhin yin/ /kun byed nga ni gcig tu gnas pa la/ /nga yi rang bzhin de bzhin rnal ma la/ /rnam bzhi 'byor pa rnal ma gcig tu 'byor/ /des na nga yi rang bzhin yin par bshad/ /kun
18b8 byed nga yi lus ngag yid gsum las/ /'byung yang nga yi rang bzhin de las 'byung / /'dus kyang nga yi rang bzhin de la 'dus/ /yin yang nga yi ngo bo de yin pas/ /khams gsum nga yi rang bzhin yin par bshad/ /kun
iiif viewer powered by OpenSeadragon
Texts on this page
J746 - chos thams cad rdzogs pa chen po byang chub kyi sems kun byed rgyal po