rKTs

e-texts navigator

Volume

Page

184a₁ gsang ba dam pa ni shin tu me dang 'dra ste/ ji ltar me ni rgyun du bcangs shing spyad legs na ji lta ba bzhin du rgyun du spyad pa 'dod pa 'byung ngo / /me nyid ji lta ba de bzhin du spyod nyes na me'i phung po chen por gyur te/ gang spyod par byed pa de yang
184a₂ sregs/ khyim nas khyim yang sregs/ rdzas kyi dngos po thams cad kyang tshig par 'gyur ro/ /de bzhin du gsang sngags 'di ni chu dang 'dra ste/ chu gang gi thabs kyis zin na ji ltar 'dod pa bzhin du 'byung ngo / /gang chu'i rang bzhin dang
184a₃ thabs la mi mkhas pa ni gang spyod par byed pa de nyid g.yang bar 'gyur ro/ /gzhan yang gsang ba dam pa 'di ni gdug pa'i gcan gzan dang 'dra ste/ gang gdug pa'i gcan zan ni gzhan gyi srog gcod par byed cing gzhan dag
184a₄ 'joms par byed na yang / gang thabs la mkhas pa de ji lta ba bzhin dbang du 'du'o/ /grang thabs kyis ma zin na ni rang gi srog la 'bab par byed do/ /gzhan yang gsang sngags 'di ni sbrul gyi mgo la 'dug pa'i nor bu
184a₅ rin po che dang 'dra ste/ gang ji ltar thabs kyis zin na rin po che de la dga' ba der spyad du yod la/ gang gi thabs kyis ma zin na tshe dang bral bar byed do/ /gzhan yang ldum bu lang tang tshe dang 'dra ste/ gang gis thabs kyis zin na
184a₆ tshad nad drag po yang gcod par byed la/ gang thabs kyis ma zin na srog dang bral bar yang byed de/ de ltar na gang thabs kyis zin pa ni dug 'gyur rtsi dang / gser 'gyur rtsi dang / mun 'gyur gyi sgron ma bzhin du chung ngus chen
184a₇ po 'joms par nus te/ gang phyin ci ma log par nges pa nyid kyis thams cad de kho na nyid du 'gyur ro/ /'dus pa chen po'i tshogs de lta bas na gsang ba dam pa 'di ni spyad par dka' bas sngon du byung bar spyad par spyod pa dag
184a₈ gsang ba dam pa ngos ma zin pas log pa'i lam du byung ba yang yod do/ /gang thabs la mkhas pas ngos zin pa ma nor ba'i lam du byung ba yang yod pas 'dus pa chen po'i tshogs gang gsang ba dam pa ngos zin pa'i

_{iiif viewer powered by OpenSeadragon}

183b - 184b

Texts on this page