rKTs

e-texts navigator

Volume

Page

183b₁ thos nas ngu / /gsol pa/ bcom ldan 'das yun gyi don srid chen po 'di lta bu bdag cag la sngar ma bstan pa thugs rje re chung zhes gsol pa las/ bcom ldan 'das kyis bka' stsal pa/ 'dus pa'i tshogs rang rang
183b₂ gi nam mkha' de/ rang rang gi mun pa glo bur bas bsgribs par zad kyi/ rang rang gi nam mkha' nyid du snang ba la gang gis gang la bstan ci dgos zhes smras pas/ gang gis mi rig pa gang yin pa de nyid rig par 'gyur te/ bag bzhi
183b₃ bskums/ yan lag sa la brdabs nas lus gdan khrir phul te/ nyon mongs pa'i sgrib pa sbyong zhing rna bas chos nyan pas shes bya'i sgrib pa sbyong ste/ rig 'dzin lus kyi seng ge dang / rta dang glang po la sogs pa'i zhabs kyi gdan
183b₄ khri'i bya ba yongs su rdzogs par byed do/ /sangs rgyas kun gyi dgongs pa 'dus pa'i mdo chen po las rmongs pa'i sel pa spyod 'thun dgrol ba'i le'u ste gsum bcu drug pa'o// // bam po drug par zug pa/ /de nas lang ka'i
183b₅ mnga' bdag byang chub sems dpa' sems dpa' chen po des gsang ba pa'i bdag po la yongs su dri ba dris pa/ kye gsang ba pa'i bdag po gang gis gang la brgyud de grags pa'i gsang ba dam pa de sngon du byung ba spyad pa spyod
183b₆ pa grags pa'i gtam rgyud ji skad brjod pa rnam par brjod pa lags zhes smras pa las/ gsang ba pa'i bdag pos smras pa/ lang ka'i bdag po sngon du byung ba'i gtam rgyud gsang ba dam pa spyod pa spyod par grags pa ni 'di lta
183b₇ ste/ gang 'dus pa'i tshogs kyis bcom ldan 'das gsang ba mchog gi bdag po de la gsol pa/ bcom ldan 'das gsang ba dam pa gang gis spyad pas legs pa dang / nyes pa'i spyod pa ji lta bur 'tshal bar bgyi/
183b₈ de skad ces gsol pa dang / lang ka'i bdag po bcom ldan 'das des bka' stsal pa/ 'dus pa chen po'i tshogs gsang sngags dam pa gang gis spyad pa spyod pa ni rab tu dka' bar shes par bgyi shig /de ci'i phyir zhe na/

_{iiif viewer powered by OpenSeadragon}

183a - 184a

Texts on this page