rKTs

e-texts navigator

Volume

Page

182b₁ tshom skye bar bgyid pa ni nges pa ma mchis pa lags na/ gang sangs rgyas bcom ldan 'das rnams ni nges pa can lags na nges pa ma mchis pa'i chos 'khor gyi nang 'dir gsung ngam zhes gsol pa las/ bcom ldan
182b₂ 'das kyis bka' stsal pa/ kye 'dus pa'i tshogs chos thams cad nges pa med par nga smra'o/ /de ci'i phyir zhe na/ ther zug tu red pa'i chos gang yang med pa'i phyir ro/ /de bas na khyed rnams kyi rang rang gi dam tshig la
182b₃ yang nges pa med de/ skye ba 'di las gzhan dpag tu med pa blangs pa dang len pa'i skabs su so so'i skye ba tha dad pa de bzhin du mos pa dang / las dang / skal pa dang / gnas dang / sde dang / sha tshugs dang / rigs dang / kha dog dang /
182b₄ 'tsho ba dang / lta ba dang / spyod pa tha dad na/ da khyed kyis nges par gang la gzung / de'i phyir chos thams cad nges pa med par nga smra'o/ /de nas 'dus pa'i tshogs kyis gsol pa/ 'o na bcom ldan 'das bdag cag gi dam tshig
182b₅ rnams nges pas bzung na ji lta bu lags/ bcom ldan 'das kyis bka' stsal pa/ 'dus pa'i tshogs 'di lta ste/ mtshams med lnga yi dam tshig ni/ /dam tshig ting 'dzin shes rab dang / /byang chub sems dang snying rje ldan/ /
182b₆ bar mtshams med par rgyun mi gcad/ /'di ni mtshams med dam tshig yin/ /chags pa chen po'i dam tshig ni/ /'khor ba dang ni chos nyid las/ /shes rab snying rje mi gtong ba/ /'di ni chags pa'i dam tshig yin/ /
182b₇ ma dang bu mo sring mo ni/ /chos nyid dang ni ye shes lnga/ /rang las byung ba'i shes rab ni/ /de bzhin nyid kyi gzungs su bshad/ /gang la skye ba med bstan na/ /srog gi dbang po mi len pa'i/ /skye ba'i rgyun ni chad pa dang / /thams
182b₈ cad stong par bcom pa ni/ /srog bcad pa zhes de la bya/ /dngos po med las dngos por ston/ /dngos por snang la med smra ba/ /rgyal ba kun gyi bka' yin te/ /slu ba'i dam tshig chen po yin/ /gzhan gyi yid bzhin nor

_{iiif viewer powered by OpenSeadragon}

182a - 183a

Texts on this page