rKTs

e-texts navigator

Volume

Page

176a₁ bye ba dang sa yar 'phel bas thams cad shes par byed pa'o/ /gang shes par byed pa ni 'di lta ste/ ming bklag pa dang / tshig bklag pa dang / gzugs bklag pa dang / don bklag pa dang / sgra bklag pa dang / gcig
176a₂ bklag pa dang / mang po bklag pa dang / gcig mang por bklag pa dang / mang po gcig tu bklag pa dang / gcig dang mang po tha dad par bklag pa'o/ /yang lang ka'i bdag po 'di la yi ge'i sgo gang zhe na/ 'di lta ste/ yi ge'i sgo dang /
176a₃ tshig gi sgo dang / don gyi sgo dang / dbyangs kyi sgo dang / gzungs kyi sgo rnams su rig par bya'o/ /lang ka'i bdag po de la yi ge'i sgo gang zhe na/ gang gis gang la bris pa'o/ /tshig gi sgo gang zhe na/ gang yi ge'o/ /don gyi
176a₄ sgo gang zhe na/ gang tshig gi tshogs so/ /dbyangs kyi sgo gang zhe na/ gang yi ge bcu drug go/ lang ka'i bdag po yi ge bcu drug kyang gang zhe na/ 'gwar dang cwang 'ba' zhig tu shes par bya'o/ /de ni ring po dang thung ngu nyid du rig
176a₅ par bya'o/ /gang thung ngu dang ring po de gnyis las dbyangs kyi yan lag drug byung bar rig par bya'o/ /thung ngu las gnyis dang ring po las gnyis dang / gang de gnyis las gnyis 'byung bar rig par bya'o/ /thung ngu las
176a₆ yan lag gnyis 'byung ba ni 'di lta ste/ sha ta ba dang gar d+ha ba gnyis so/ /ring po las yan lag gnyis byung ba ni 'di lta ste/ breng nge ba dang thung nge ba gnyis so/ /gang de gnyis las yan lag gnyis byung ba ni 'di lta ste/
176a₇ cwang ka de'u dang p+wang ka de'u dang gnyis so/ /lang ka'i bdag po yan lag 'di drug kyang gang 'gro ba drug gi/ khams gsum ba'i sgo drug las drug drug tu bsgyur ba byas pa las drug dang bcu gsum du bsgyur bar rig par bya'o/ /drug
176a₈ bcur bsgyur bas yan lag drug bcur 'byung bar rig par bya'o/ /drug drug bcur bsgyur ba byas pas yan lag gsum brgya drug bcur 'byung bar rig par bya'o/ /lang ka'i bdag po gzungs kyi sgo gang zhe na/

_{iiif viewer powered by OpenSeadragon}

175b - 176b

Texts on this page