rKTs

e-texts navigator

Volume

Page

170a₁ bdag po de dag kyang so sor blta bar ni mi bya'o/ /de ci'i phyir zhe na/ gang ngo bo nyid med pa las de ltar snang bar zad de/ de ni de kho na nyid gsang ba dam pa'i byin gyi brlabs 'ba' zhig snang ba'o/ /lang ka'i
170a₂ bdag po de bas na gsang ba dam pa ngo bo nyid med pa de ni nyi ma'i snying po lta bu'o/ /byin gyi brlabs las snang ba ni zer dang 'od lta bur rig par bya'o zhes smras pas/ lang ka'i bdag po la sogs pa dman pa'i
170a₃ lus kyi sems dpa' rnams sku yongs su rtog pa'i the tshom chad par gyur to/ /sangs rgyas kun gyi dgongs pa 'dus pa'i mdo chen po las sku yongs su snang ba dam pa'i rgyan bkod pa'i le'u ste sum bcu gsum
170a₄ pa'o/ / // de nas yang lang ka'i bdag po byang chub sems dpa' sems dpa' chen po des/ de bzhin gshegs pa'i gsung gi byin gyi brlabs ji ltar snang ba dpag par bya ba'i phyir dri ba yongs su dris pa/
170a₅ kye gsang ba pa'i bdag po gang gi thugs dang sku'i byin gyi brlabs las snang ba yongs su bkod pa de dag gi gsung gi byin gyi brlabs las snang ba ji ltar dpag par bgyi/ de skad ces dris pa las/ gsang ba pa'i
170a₆ bdag pos smras pa/ lang ka'i bdag po ji skad du dri ba de ni 'di lta ste/ ngo bo nyid med pa gsang ba dam pa gsang ba de la ni tshig dang sgra'i tha snyad med de thams cad nas thams cad du gsung ba med pa kho na'o/ /gal te
170a₇ gsang ba de dag dpag par ni gang yongs su dag pa'i skyes bu dam pas kyang mi dpogs te/ gang gi phyir de dpogs pa nyid na ngo bo nyid med pa gsang ba dam pa nyid du nges pa'i phyir dpag par rab tu dka'o/ /lang ka'i
170a₈ bdag po 'on kyang 'di ltar rig par bya ste/ gang ngo bo nyid med pa'i gsung ni nam mkha' lta bu'o/ /rnam par dag pa'i gsung ni nyi ma'i snying po lta bu'o/ /yongs su smin pa'i gsung ni me long lta bu'o/ /gsang ba dam

_{iiif viewer powered by OpenSeadragon}

169b - 170b

Texts on this page