rKTs

e-texts navigator

Volume

Page

169a₁ ma yin pa yang yin no/ /gcig pa yang yin no/ /tha dad pa yang yin no/ /gcig pa yang ma yin/ /tha dad pa yang ma yin pa yang yin no/ /gcig pa dang tha dad pa'i ngo bo las grol ba yang yin no/ /lang ka'i bdag po de ci'i phyir
169a₂ zhe na/ 'di lta ste/ mi 'gyur zhing gnyen po med pa dang / gang 'byung ba mi dmigs pa dang kun gyi gzhir gyur pa dang / mtha' yongs su mi dmigs pa dang / ther zug ma yin pa dang / rgyun du 'byung ba dang / dgongs pa dam pa dang / dngos
169a₃ po med pa dang / rgyud dag pa'i yul du gyur pa dang / mtha' dbus las 'das pa dang / tha snyad las 'das pa dang / ye ji bzhin pa dang / bsam du med pa dang / bsam gyis mi khyab pa dang / so so'i spyod yul dang / khyad par cir yang
169a₄ mtshungs pa'i phyir rtag par yang zung zhig / mi rtag par yang zung zhig / yod par yang zung zhig /med par yang zung zhig /gcig par yang zung zhig /tha dad par yang zung zhig /gcig dang tha dad pa'i ngo bo las grol bar
169a₅ yang zung zhig / lang ka'i bdag po de ltar na 'dul bya'i dbang gi phyir sku la ni nges pa med de bsam gyis mi khyab par zung zhig /lngar yang zung zhig /bzhir yang zung zhig /gsum du yang zung zhig /gnyis su yang
169a₆ zung zhig / gcig tu yang zung zhig /nges par sku dang / gsung dang / thugs dang / yon tan dang / phrin las zhes tha snyad du btags par zad kyi/ sku ni nam mkha'o/ /gsung ni sgra brnyan no/ /thugs ni chos nyid do/ /yon tan
169a₇ ni sgyu ma'o/ /phrin las ni sprul pa ste/ de dag ni gang la 'dul ba'i dbang du byin gyi brlabs la snang bar zad kyi yang dag par na snang ba ni cung zad kyang med do/ /lang ka'i bdag po de dag gi ngo bo ni rnam par shes pa'o/ /
169a₈ ngos zin pa ni ye shes so/ /mngon sum pa ni sangs rgyas so/ /lang ka'i bdag po de ltar na gsang sngags kyi ngo bo de ni yongs su dpag par dka' pa'i phyir gang mun pa'i khams pas ni rnam par shes pa zhes

_{iiif viewer powered by OpenSeadragon}

168b - 169b

Texts on this page