| e-texts navigator |
| བོད་ཡིག |
167a1 ka'i bdag po la sogs pa dman pa'i lus kyi sems dpa' rnams thugs yongs su rtog pa'i the tshom chad do/ /sangs rgyas kun gyi dgongs pa 'dus pa'i mdo chen po las thugs ye shes snang ba dam pa'i
167a2 rgyan bkod pa'i le'u ste sum bcu gnyis pa'o/ / // de nas yang lang ka'i mnga' bdag byang chub sems dpa' sems dpa' chen po des gsang ba pa'i bdag po la dris pa/ gsang ba pa'i bdag po sems kyi de kho na
167a3 nyid ni gang lags/ rnam par shes pa ni gang lags/ ye shes ni gang lags/ sku zhes gang la bgyi/ gsang ba pa'i bdag pos smras pa/ lang ka'i bdag po dris pa de bzhin ni 'di skad du thos so/ /sems ni sems
167a4 dang / sems snang ba dang / sems las byung ba ste/ de nyid dang / de 'jug pa dang / de rgyun no/ /rnam par shes pa ni kun gzhi dang / 'jug par byed pa'i yid dang rgyun du 'byung ba'i sgo lnga'o/ /ye shes ni gang de nyid du ngos
167a5 zin pa'o/ /sku ni gang gi 'byung 'jug snang ba'i gzhi'o/ /yang lang ka'i bdag pos dris pa/ gsang ba pa'i bdag po ngos zin pa ni gang / 'byung ba ni gang / 'jug pa ni gang / snang ba ni gang / gzhi ni gang / gsang ba pa'i
167a6 bdag pos smras pa/ lang ka'i bdag po gang dri ba de lnga ni 'di skad du thos so/ /gang ngos zin pa ni gzhan nas ma byung bar ma zin pa nyid do/ /de ci'i phyir zhe na/ lang ka'i bdag po gal te gzhan nas 'byung ba
167a7 zhig na glo bur ba ste ye shes zhes bya ba de nyid de ltar mi rung ngo / /'byung ba ni sprul pa la bya'o/ /de ci'i phyir zhe na/ sprul pa ni ma byung ma myong gang du rgyun du 'byung ba'o/ /'jug pa ni rdzogs longs spyod pa ste/ de ci'i
167a8 phyir zhe na/ de ni nang du yang dag gnas pa nyid du gang gi rnal 'byor 'jug par byed pa nyid do/ /snang ba ni chos kyi sku ste/ de ci'i phyir zhe na/ gnyis 'dus pa las gnyis 'byung ba'i rang bzhin du snang ba'o/ /gzhi ni ngo
iiif viewer powered by OpenSeadragon
Texts on this page
J747 - de bzhin gshegs pa thams cad kyi thugs gsang ba'i ye shes don gyi snying po rdo rje bkod pa'i rgyud rnal 'byor grub pa'i lung kun 'dus rig pa'i mdo theg pa chen po mngon par rtogs pa chos kyi rnam grangs rnam par bkod pa zhes bya ba'i mdo