| e-texts navigator |
| བོད་ཡིག |
166b1 po che ni chos 'thun pa'i dpe nye bar bzung ba ste rnam par mi rtog pa dang / bya ba byed pa dang / 'dod pa 'byung ba dang / dgos pa tshang ba dang / re ba skong ba dang / rgyun mi 'chad pa dang / dga' ba skyed pa dang / mi zad pa dang / bde ba la 'god
166b2 pa dang / thams cad du grub pa dang / thogs pa med pa dang / mi skyor ba dang / rab tu sbyin pa dang / dgos pa grub pa ste/ lang ka'i bdag po chos de dag phyogs tsam du 'thun kyang rang rig pa nyid kyi dper ni phyogs med do/ /
166b3 smras pa/ gsang ba pa'i bdag po ye shes zhes bya ba de gang don gyi dbang gang gi tshig bla dgas lags/ smras pa/ lang ka'i bdag po chos thams cad ye ji bzhin pa'i don phyin ci ma log pa'i skye 'gag med par mkhyen
166b4 pa las btags pas na de na don gyi dbang de kho na'i tshig bla dgas su shes par bya'o/ /lang ka'i bdag po yang 'di ltar nam mkha' lta bur gyur pa dang / me long lta bur gyur pa dang / 'ja' tshon lta bur gyur pa dang / dbyibs dang
166b5 kha dog lta bur gyur pa dang / sprin rlangs lta bur gyur pa dang / ma bcos par snang ba de phyogs tsam du chos de dag 'thun kyang rang rig pa nyid kyi dper ni phyogs med do/ /lang ka'i bdag po thams cad gsal ba dang / sgo mi 'gag
166b6 pa dang / cho 'phrul 'byung ba dang / gcig tu sdud pa dang / phun sum tshogs pa ste de dag ni bya ba byed par rig par bya'o/ /lang ka'i bdag po ma 'dres pa dang / yongs su rdzogs pa dang / ma 'dres pa yongs su rdzogs pa'i ril
166b7 dang / rgyun dang / dmigs pa med pa ste/ de dag ni blta bar snang bar rig par bya'o/ /lang ka'i bdag po ma 'gags pa dang / ma 'phros pa dang / ma 'tshol ba dang / ma lus pa dang / rgyur gyur pa ste de dag ni rtsal gyi nus par rig par
166b8 bya'o/ /lang ka'i bdag po de ltar na sems las ni sems snang ba yin la/ snang ba ni ye shes ngos zin par bya ste/ de dag kyang gsang ba dam pa de kho na nyid kyi byin gyi brlabs snang bar rig par bya'o zhes smras pas/ lang
iiif viewer powered by OpenSeadragon
Texts on this page
J747 - de bzhin gshegs pa thams cad kyi thugs gsang ba'i ye shes don gyi snying po rdo rje bkod pa'i rgyud rnal 'byor grub pa'i lung kun 'dus rig pa'i mdo theg pa chen po mngon par rtogs pa chos kyi rnam grangs rnam par bkod pa zhes bya ba'i mdo