rKTs

e-texts navigator

Volume

Page

166a₁ bya'o/ /kha cig tu ni so sor rtog pa'i ye shes zhes bya'o/ /kha cig tu ni bya ba grub pa'i ye shes zhes bya'o/ /lang ka'i bdag po de dag la ni nam mkha' lta bu'i ye shes dang / me long lta bu'i ye shes dang / chen po
166a₂ lta bu'i ye shes dang sna tshogs bkod pa'i ye shes dang / yid bzhin nor bu'i ye shes zhes kyang bya'o/ /lang ka'i bdag po me long ni chos mthun pa'i dpe nye bar bzung ba ste/ skyon sel pa dang / lags pa skyed pa dang /
166a₃ gsal bar byed pa dang gzugs brnyan 'byung ba dang / rtsol ba med pa dang / mngon par 'du byed pa med pa dang / ldan pa ma yin pa dang / mi ldan pa ma yin pa dang / mi nye ba dang / mi ring ba dang / kun nas 'byung ba dang / tshad yongs su ma
166a₄ chad pa dang / gzhan ma yin pa dang / bsgribs pa ma yin pa dang / mun pa ma yin pa dang / bskal pa ma yin pa ste/ lang ka'i bdag po phyogs tsam du chos de dag 'thun kyang rang rig pa nyid kyi dper ni phyogs med do/ /lang ka'i
166a₅ bdag po chen po ni chos 'thun pa'i dpe nye bar bzung ba ste/ yongs su rdzogs par rig pa nyid de/ che chung med par yongs su rdzogs pa dang / ring thung med pa dang / bzang ngan med pa dang / skyon yon med pa dang / blang dor
166a₆ med pa dang / legs nyes med pa dang / gtsang sme med pa dang / bde sdug med pa dang / mtho dman med pa dang / yangs dog med pa dang / sgro skur med pa dang / 'dres pa med pa dang / mi phyed par yongs su rdzogs pa ste/ lang ka'i bdag
166a₇ po phyogs tsam du chos de dag 'thun kyang rang rig pa nyid kyi dper ni phyogs med do/ /lang ka'i bdag po sna tshogs bkod pa ni/ chos 'thun pa'i dper nye bar bzung ba ste/ gnas pa dang / 'jug pa dang / ma 'dres pa dang /
166a₈ gsal ba dang / rnam par phye ba dang / longs spyod sna tshogs dang / snang ba dang / kun du ma rmongs pa ste/ lang ka'i bdag po phyogs tsam du chos de dag 'thun kyang rang rig pa nyid kyi dper ni phyogs med do/ /lang ka'i bdag po nor bu rin

_{iiif viewer powered by OpenSeadragon}

165b - 166b

Texts on this page