rKTs

e-texts navigator

Volume

Page

163a₁ tshogs las ma g.yos pa'i gzugs brnyan chu dang ba tha dad par snang ba bzhin/ chos rnams kyi chos nyid gsang ba'i dbyings rnam par dag pa las chos thams cad snang ba yin la/ chos thams cad ni sku gsung
163a₂ thugs yon tan phrin las lnga kho nar zad de/ de ni gang theg pa chen po'i gsang sngags mtshon par byed pa'i sgor snang ba yin no/ /de ci'i phyir zhe na/ chos thams cad kyi rang bzhin gsang ba'i dbyings gang yin pa de
163a₃ ni theg pa chen po'i gsang sngags de kho na nyid yin par phyin ci ma log par nges pa'i phyir ro/ /de la ni ngo bo nyid kyi sku zhes bya bar grags shing grags par gyur to/ /lang ka'i bdag po gang sems kyi chos nyid las ni
163a₄ rnam par shes pa bzhir snang la/ rnam par shes pa bzhi ni rtsa ba'i rnam par shes pa dang / dmigs pa'i rnam par shes pa dang / kun du snang ba'i rnam par shes pa dang / 'jug pa'i rnam par shes pa'o/ /rnam par shes pa
163a₅ bzhi las ye shes chen po lngar snang ste/ sems kyi chos nyid de kho na nyid las chos nyid kyi dbyings kyi ye shes su snang ngo / /rtsa ba'i rnam par shes pa las me long lta bu'i ye shes su snang ngo / /dmyigs pa'i rnam par shes
163a₆ pa las mnyam pa nyid kyi ye shes su snang ngo / /kun du snang gi rnam par shes pa las so sor rtog pa'i ye shes su snang ngo / /'jug pa'i rnam par shes pa las bya ba grub pa'i ye shes su snang ngo / /lang ka'i bdag po de yang min
163a₇ pa zhig yin par bsgrubs pa 'am/ mi 'dra ba zhig 'dra bar bcos pa ni ma yin gyi/ ma bcos/ ma bslad/ ma byas pa/ ma brtsams par ye nas rang bzhin gyis de ltar snang ba nyid du zad do/ /de nas lang ka'i bdag pos dris pa/
163a₈ gsang ba pa'i bdag po gang gi ye shes 'di ltar lnga kho nar zad dam/ 'on te gzhan tha dad par yang snang / smras pa/ lang ka'i bdag po ye shes ni gang gi dbang gis lngar yang snang la/ bsam gyis mi khyab pa dang / skad cig bcu

_{iiif viewer powered by OpenSeadragon}

162b - 163b

Texts on this page