rKTs

e-texts navigator

Volume

Page

160b₁ ni rdo rje myu gu zhes bya bar grags par gyur to/ /de bzhin du la la ni chos kyi myu gu zhes bya bar grags so/ /la la ni rin chen myu gu zhes bya bar grags so/ /la la ni zla ba'i rtsal zhes bya bar grags so/ /la la ni nyi ma'i mdangs zhes
160b₂ bya bar grags so/ /la la ni seng ge'i rtsal zhes bya bar grags so/ /la la ni nam mkha'i rdo rje zhes bya bar grags so/ /de dag las ma rungs pa kha cig ni la la ni rdo rje spyang ki zhes bya bar grags so/ /la la ni rdo rje dus mtshams
160b₃ zhes bya bar grags so/ /la la ni rdo rje phyogs 'dul zhes bya bar grags so/ /la la ni rdo rje dur khrod zhes bya bar grags so/ /ru tra nag po de kho na nyid ni rdo rje ro langs dur khrod kyi bdag po zhes bya bar grags te/ bskal pa chen
160b₄ po bzang po'i yun du gnas nas rnal 'byor yongs kyi mgon po dge bsnyen legs ldan nag po zhes bya bar gyur nas gang dag chos srungs pa rnams kyi srungs ma'i bya ba byed do/ /bskal pa de'i phyi ma la 'og gi phyogs kyi 'jig rten
160b₅ gyi khams thal bas khebs pa zhes bya bar de bzhin gshegs pa thal ba'i dbang po'i dbyangs zhes bya bar mngon par rdzogs par sangs rgyas par 'gyur ro zhes lung bstan pa thob par gyur to/ /lang ka'i bdag
160b₆ po de'i tshe de'i dus na 'jig rten gyi khams rnam pa drug tu g.yos so/ /rab tu g.yos/ kun du rab tu g.yos par gyur to/ /'gul/ rab tu 'gul/ kun du rab tu 'gul to/ /ldeg rab tu ldeg /kun du rab tu ldeg go/
160b₇ 'ur rab tu 'ur/ kun du rab tu 'ur ro/ /chem rab tu chem/ kun du rab tu chem mo/ /mtha' mtho na dbus dma'o/ /dbus mtho na mtha' dma'o/ /shar mtho na nub dma'/ nub mtho na shar dma'/ byang mtho na lho dma'/ lho mtho na
160b₈ byang dma' bar gyur to/ /'jig rten pa kun kyang ngo mtshar du gyur te mngon par bstod do/ /lha dang bcas pa'i 'jig rten pa kha cig ni de kho na nyid gsang ba dam pa la rjes su yi rang bar gyur to/ /kha cig ni ma skyes pa'i chos la

_{iiif viewer powered by OpenSeadragon}

160a - 161a

Texts on this page