rKTs

e-texts navigator

Volume

Page

142b₁ shes rang snang bar gnas pa las/ de bzhin gshegs pa thams cad kyis bskul ba gsum pa 'dis mngon du rdzogs pa longs spyod rdzogs par bskul ba ni 'di lta ste/ de bzhin nyid du gshegs pa khyod/ /'jig rten
142b₂ mngon rdzogs rgyas mdzod la/ /snying po byang chub ji bzhin pa/ /sems can don du snang bar mdzod/ /'jig rten khams ni dpag med du/ /ji snyed bde bar gshegs pa yi/ /sprul pa'i sangs rgyas kun gyis kyang / /mtha' dag
142b₃ don du rnam snang mdzad/ /khams gsum 'khor ba'i nad pa la/ gzhan gyis phan pa'i sman ma mchis/ /yang dag bdud rtsi'i sman sbyar bas/ 'khor ba'i gcong rnying sbyang mdzad pa/ /sdug bsngal zug rngu'i nad sel ba'i/ /sman
142b₄ pa che mchog gtso bor gshegs/ /nad do cog gi dgrar gyur pa/ /bdud rtsi sman gyi rgya mtsho yis/ /log pa'i nad dgras gzir ba yi/ /nad pa'i tshogs kun bslang bar mdzod/ /rtsal chen rdzogs pa'i skyes bu nyid/ /snying po
142b₅ byang chub la dgongs la/ /'od zer snang ba rgyas bkye ste/ /mun pa bsal ba'i dgongs pa mdzod/ /kye ma skyes bu don grub pa/ /bya ba byas shing byed pa byas/ /khur bor bdag don rjes thob pa/ gang 'dir 'dul ba'i dus la
142b₆ bab/ /gtsang ma'i gnas mchog 'og min gyi/ /chos kyis mtho ba'i gzhal yas su/ /rdzogs longs spyod pa'i skur gshegs te/ /snying po bskul ba'i bya ba mdzod ces rnam par bskul bas/ ji lta ji ltar sprin
142b₇ mthongs nas/ /nyi ma'i dkyil 'khor shar ba ltar/ /mi g.yo ba yi dbyings nyid las/ /gzugs sku nyi ma shar ba ste/ /chos kyi mtho ba zhes bya ba'i gzhal yas su rnam par snang bar gyur to/ /sangs rgyas kun gyi dgongs
142b₈ pa 'dus pa'i mdo chen po las gang gi cho 'phrul bskul ba'i le'u ste nyi shu gsum pa'o/ / // de nas chos kyi rgyal po rdzogs longs spyod pa de rdo rje go 'byed yongs su bsdu ba'i mtshan ma mdzad pas mtha' thug pa med pa'i

_{iiif viewer powered by OpenSeadragon}

142a - 143a

Texts on this page