| e-texts navigator |
| བོད་ཡིག |
13b1 gnyis shes bya ba ye nas yod ma yin/ /nga ni ye nas rang 'byung ye shes la/ /nga la gzhan gyis gtan la dbab tu med/ /nga ni kun gyi byang chub snying po bas/ /gsang ba'i man ngag gzhan na yod ma
13b2 yin/ /sgro dang skur pa kun las 'das pa'i phyir/ /chos rnams kun gyi la ni nga yin bzlas/ /nga med pa yi yul ni gzhan med pas/ /lta ba bsgom du med par la yang bzlas/ /nga las gzhan
13b3 du bsrung du med pa'i phyir/ /dam tshig bsrung du med par la yang bzlas/ /nga las gzhan du btsal du med pa'i phyir/ /phrin las btsal du med par la yang bzlas/ /nga las gzhan du gnas pa
13b4 med pa'i phyir/ /sa la sbyang du med par la yang bzlas/ /nga la sgrib pa ye nas med pa'i phyir/ /rang 'byung ye shes yin par la yang bzlas/ /nga ni ma skyes chos nyid yin pa'i phyir/ /phra ba
13b5 chos nyid yin par la yang bzlas/ /nga las gzhan du bgrod tu med pa'i phyir/ /lam la bgrod du med par la yang bzlas/ /sangs rgyas sems can snang srid snod bcud kun/ /snying po byang
13b6 chub nga las byung ba'i phyir/ /ye nas gnyis su med par la yang bzlas/ /rang 'byung ye shes gtan la 'bebs pa'i phyir/ /lung chen thog 'bebs yin par la yang bzlas/ /chos
13b7 rnams thams cad nga las med pa'i phyir/ /kun byed nga ni kun gyi la bzla'o/ /nga ma shes pas sgrib pa'i ngo bor bshad/ /nga las gzhan btsal gol sa byung ba yin/ /las dang shes
13b8 bya rnam pa gnyis su bstan/ /ma mthong ba ni las kyi sgrib pa yin/ /ma shes pa ni shes bya'i sgrib pa yin/ /ji ltar snang ba'i chos rnams thams cad kun/ /snying po byang chub sems kyi ngo bo bas/ /ma rig
iiif viewer powered by OpenSeadragon
Texts on this page
J746 - chos thams cad rdzogs pa chen po byang chub kyi sems kun byed rgyal po