| e-texts navigator |
| བོད་ཡིག |
135b1 gis thos pa de brgyal bar 'gyur ro/ /de'i tshe de'i dus na dmyal ba des e ma'o 'di ci nyes smras pa'i skad cig gcig gis phyin par gyur ro/ /rdo rje sems dpa' thub pa'i dbang po chos kyi rgyal po des kho na nyid kyi
135b2 las yin zhes chos bstan pas las de yid la byas pas yongs su shes te 'gyod par gyur to/ /'gyod pa tsam gyis gnas de nas 'phos nas rab tu tsha ba'i dmyal ba'i gnas su yang de nyid kyi tshe tshad brgyad
135b3 khrir gnas te mnar med pa ji lta bzhin no/ /de nas yang 'phos nas tsha ba chung ngu dang / ngu 'bod chen po dang / ngu 'bod dang bsdus 'joms dang / thig gnag dang / 'bar ba dang / yang sos la sogs pa'i dmyal ba'i gnas
135b4 su yang de dag gi tshe tshad brgyad khrir gnas te mnar med pa dang rab tu tsha ba ji lta ba bzhin no/ /de dag nam zhig pa na yang 'jig rten gyi khams gzhan gyi dmyal ba rnams su de ltar 'phen no/ /de dag las 'phos nas kyang
135b5 gang 'jig pa'i bskal pa mu ge dang nad dang mtshon gang du byung ba de dang der skye bar byed do/ /'jig pa de dag gis de dag gang stongs pa yang gzhan dag gang 'jig pa'i dus su yang der skye ba len par 'gyur ro/ /de dag las thar nas
135b6 kyang sha dang rus pa'i ched du gsod pa'i skye ba'i rigs su bskal pa brgyad khrir skye ba len cing 'pho bar 'gyur ro/ /de las thar nas gshin rje'i 'jig rten gyi khams su skye ba lnga brgyar gdung bar gyur to/ /de las 'phos
135b7 nas lus srul po'i rigs su skye ba blangs so/ /skye ba de'i phyi ma la sha za'i rigs su skye ba blangs so/ /skye ba de'i phyi ma la srul po'i rigs su skye ba blangs te/ srul po gnya' dreg can zhes bya ba'i bu srul po gtogs
135b8 'dod can zhes bya bar skye ba blangs so/ /skye ba de'i phyi ma la yul lang ka pu ra zhes bya ba'i smad 'tshong ma zhig gi mngal du chags te skye bar smin to/ /de der skye ba blangs te zla ba dgu na ma shi bar gyur pa dang / mi gang dag gis
iiif viewer powered by OpenSeadragon
Texts on this page
J747 - de bzhin gshegs pa thams cad kyi thugs gsang ba'i ye shes don gyi snying po rdo rje bkod pa'i rgyud rnal 'byor grub pa'i lung kun 'dus rig pa'i mdo theg pa chen po mngon par rtogs pa chos kyi rnam grangs rnam par bkod pa zhes bya ba'i mdo