rKTs

e-texts navigator

Volume

Page

121b₁ kyi phyag rgya'i ye shes rnam par bgros pa ste byung tshul bstan pa bzhi pa'o/ / // bam po gsum par zug pa/ de nas lang ka'i bdag pos gsang ba pa'i bdag po la sngon du byung ba'i tshig bcu gnyis pa
121b₂ 'i lnga pa dgongs pa nges par 'grel pa na yang byung zhes 'byung ba dri ba yongs su dris pa/ kye gsang ba pa'i bdag po nyid kyis theg pa chen po gsang ba dam pa byung ba'i tshul ston pa bas lung bstan pa gtam du brjod pa'i
121b₃ skabs su dgongs pa nges par 'grel pa na yang byung zhes bkod pa de ji lta ba bzhin du dgongs pa nges par 'grel ba zhig grags pa lags/ smras pa/ lang ka'i bdag po gang skyes bu dam pa nyid du nges pa de dag
121b₄ snying po byang chub la dgongs pa de'i tshe de'i dus nyid la bya'o/ /smras pa/ gsang ba pa'i bdag po gang skyes bu dam pa dam pa nyid du nges pa de dag snying po byang chub la ji ltar dgongs/ de gang gi tshig bla dgas lags/ smras
121b₅ pa/ lang ka'i bdag po snying po ni rtsa ba la bya'o/ /byang chub ni rang bzhin la bya'o/ /dgongs pa ni chos nyid la bya'o/ /nges pa ni ma nor ba la bya'o/ /'grel pa ni ye shes la bya'o/ /de ni ji bzhin pa dang de bzhin pa'i tshig
121b₆ bla dgas so/ /gsol pa/ gsang ba pa'i bdag po ngas ye shes de ji ltar 'grel pa lags/ smras pa/ lang ka'i bdag po ma 'dres pa dang yongs su rdzogs par 'grel to/ /dris pa gsang ba pa'i bdag po de ji ltar
121b₇ yongs su shes par bgyi/ smras pa/ lang ka'i bdag po zhi gnas dang lhag mthong de nyid de thams cad skye ba bzhir 'dus shing skye ba bzhir 'grel pa ni 'di lta ste/ de bzhin gshegs pa ni gang ci yang rung dgongs
121b₈ pa dang / gsung ba dang / mdzad pa thams cad gang la yang dgongs pa can te de ni 'di ltar chos thams cad cho 'phrul bzhir 'dus par dgongs so/ /lang ka'i bdag po bzhi gang zhe na 'di lta ste/ chos gang skye ba

_{iiif viewer powered by OpenSeadragon}

121a - 122a

Texts on this page