rKTs

e-texts navigator

Volume

Page

120b₁ nyid do/ /thams cad mkhyen pas thugs nyid do/ /'dod dgu 'byung bas yon tan nyid do/ /bya ba byed pas phrin las nyid do/ /yul la bgrod pas 'dod pa nyid do/ /de nyid la spyod pas longs spyod chen po nyid do/ /
120b₂ rgyur gyur pas yo byad chen po'o/ /dgongs pa tshang bas tshogs chen po'o/ /bya brtsal med pas don thams cad grub pa'o/ /sna tshogs 'phrul bas cho 'phrul nyid do/ /mtshan mar byung bas phyag rgya nyid do/ /
120b₃ gzhan nas mi tshol bas bsnyen pa nyid do/ /rang las byung bas nye ba'i bsnyen pa nyid do/ /snying po nyid pas bsgrub pa'o/ /'bras bu nyid pas sgrub pa chen po 'o/ /bka' stsal pa/ skyes bu dam pa dag byang
120b₄ chub kyi snying po de ji ltar sgrub/ /gsol pa/ /sgrub du ma mchis lags so/ /bka' stsal pa/ ji ltar sgrub du med/ gsol pa/ ye nas grub pa nyid kyi slad du'o/ /bka' stsal pa/ ye nas ji ltar grub/
120b₅ gsol pa/ gzhan nas mi 'byung ba dang / rang las 'byung ba dang / bya brtsal med pa dang / rang byung ba'i phyir ye nyams su lon pa nyid du nges pa'o zhes de lta de ltar stong pa nyid las sgra byung bas de kho na nyid de
120b₆ kho na nyid du nges par thams cad nas thams cad du snying po byang chub nyid las ma gtogs pa gang du yang med do/ /lang ka'i bdag po de ltar skyes bu dam pas snying po byang chub nyid du nges pa dag mi g.yo ba'i ngang la
120b₇ mi rtog pa nyid du zhi bar lhan par gnas pa de'i tshe de'i dus na dgongs pa chos nyid kyi nam mkha' la 'grel ba ye shes kyi nyi ma bdal te thams cad de kho na nyid nges pa nyid du 'grel to/ /de'i tshe de'i dus na gsang
120b₈ sngags 'byung ba'i rgyu gdul bya khyad par du byung ba 'jig rten gsum sreg par byed pa/ khro bo'i tshul can gdul bya'i dus la nges par bab pa'i tshe phyogs dus kun gyi sangs rgyas thams cad snying po byang

_{iiif viewer powered by OpenSeadragon}

120a - 121a

Texts on this page