| e-texts navigator |
| བོད་ཡིག |
11b1 shin du rnal 'byor bye brag rnam bzhi ni/ /blang dor med pa'i byang chub sems de ni/ /sems dpa'i rnal 'byor zhes su bshad pa yin/ /rtsol sgrub 'das pa'i byang chub sems de ni/ /rnal 'byor chen po zhes su bshad ba yin/ /
11b2 rgyu 'bras 'das pa'i byang chub sems de ni/ /yongs su rnal 'byor zhes su bshad pa yin/ /yin min sgro dang skur ba 'das pa'i phyir/ /shin tu rnal 'byor zhes su nga yis bshad/ /yongs su rnal 'byor la sogs gsum po la/ /
11b3 rang 'byung ye shes che dang mi ldan pas/ /lam la bgrod cing sa la sbyong bar byed/ /dam tshig tshul bsrung lta ba sgom byed pas/ /gom pa drag dal lta spyod yod ma yin/ /de bas shin tu rnal 'byor lta spyod ni/ /ye nas kun byed
11b4 nyid kyis byas pa'i phyir/ /lam la mi bgrod sa la sbyong mi byed/ /dam tshig mi srung lta ba sgom mi byed/ /byang chub chen po'i lam nas kun 'byung phyir/ /byang chub nyid la byang chub nyid mi bgrod/ /bgrod sa byang chub nyid las
11b5 med pa'i phyir/ /byang chub nyid la byang chub nyid mi spyod/ /dam tshig rang bzhin byang chub nyid yin pas/ /byang chub nyid la byang chub nyid mi srung / /bsgom pa'i rang bzhin byang chub nyid yin pas/ /byang chub nyid
11b6 kyis nyid la bsgom du med/ /lta ba'i yul ni byang chub nyid yin pas/ /byang chub nyid kyis nyid la bltar med phyir/ /shin du rnal 'byor lta spyod bya med 'di/ /rang 'byung ye shes gom pa drag dal can/ /
11b7 kun byed rgyal po nga yi gom pa yin/ /rgyu 'bras theg pa can gyi spyod yul min/ /zhes gsungs so/ /byang chub kyi sems kun byed rgyal po las chos nyid kyi rang bzhin las chos nyid kyi yul kun la bkod pa'i
11b8 le'u ste brgyad pa'o/ / // de nas byang chub kyi sems kun byed rgyal po des rgyu 'bras kyi theg pa bgrod lam nor bas rdzogs pa chen po las gol sa dang sgrib par gyur pa 'di gsungs so/ /kye sems dpa'
iiif viewer powered by OpenSeadragon
Texts on this page
J746 - chos thams cad rdzogs pa chen po byang chub kyi sems kun byed rgyal po