| e-texts navigator |
| བོད་ཡིག |
111a1 bka' stsal pa/ skyes bu dam pa rnams legs so/ /nges so/ /'di lta ste/ gsang sngags dam pa de kho na nyid de ni dpyod pa thams cad dang bral ba/ mtha' dang dbus mi dmigs pa/ sgro skur med pa/ blang dor med pa/ rgyu
111a2 'bras las 'das pa/ ye nas dag pa/ ye nas zin pa/ bya ba med pa btsal ba med pa bsgrub tu med pa/ brtsam du med pa/ gzhan nas mi 'byung ba/ gnyen po med pa byed pa po med pa/ ma byas pa ma brtags
111a3 pa/ bdag med pa/ ma bcom pa ma bslad pa/ de yin par nges pa ma nor ba/ ji bzhin pa ma 'gags pa/ ma skyes pa mi nub ba mi rlag pa/ mi snang ba ma byung ba/ mi 'gro ba/ ye nas gnas pa/ kun la khyab pa/ ming med
111a4 pa/ gzugs med pa/ mtshan ma med pa/ tha snyad med pa/ bltar med pa/ gzung du med pa/ mtshon du med pa/ dpe med pa tshad med pa/ brtag tu med pa/ rtog ge las 'das pa/ dpag tu med pa/ bsam du med
111a5 pa/ bsam gyis mi khyab pa/ kun gyi 'byung gnas/ thams cad nas thams cad du btang snyoms chen po stong pa nyid rang gi rig pa rang byung ba kho na'o/ de skad ces bka' stsal pas/ skyes bu dam pa
111a6 rnams chos thams cad blang dor med par chud de ngo mtshar skyes nas the tshom du gyur to/ /e ma'o bdag cag gis dam pa rnams las/ sngon du thos pa ltar na sngon gyi dam pa rnams ni byang chub blang ngo / /nyon mongs
111a7 pa dor ro/ /de ni blo gros yongs su chud pa'o zhes thos na skyes bu chen po 'di ni nyon mongs pa dang byang chub la gnyis med pas blang dor med do/ zhes gsungs pa ngo mtshar to/ snyam du cang mi smra bar gnas
111a8 so/ /de nas rdo rje sems dpa' de kho na nyid des skyes bu dam pa de rnams kyi yongs su rtog pa bsal ba'i ched du yang gsungs pa/ kye skyes bu dam pa rnams gang khyed the tshom yongs su za ba na nyon mongs
iiif viewer powered by OpenSeadragon
Texts on this page
J747 - de bzhin gshegs pa thams cad kyi thugs gsang ba'i ye shes don gyi snying po rdo rje bkod pa'i rgyud rnal 'byor grub pa'i lung kun 'dus rig pa'i mdo theg pa chen po mngon par rtogs pa chos kyi rnam grangs rnam par bkod pa zhes bya ba'i mdo