| e-texts navigator |
| བོད་ཡིག |
108b1 rdzogs te/ /gzhan dag smin par bya ba'i phyir/ /ji ltar 'dod ltar thabs mchog sbyor/ /yang rtsal chen rdzogs pa'i skabs su sems gsum bskyed cing mtha' drug chub nas gnas par mi 'gyur ba'i
108b2 sa par gnas so/ /de'i tshe sangs rgyas brgyad khri brgyad stong las lung bstan pa thos nas rdeng du gyur to/ /de yang 'di ltar/ de nas rgyal 'tshab skyes bu de/ /chos kyi rgyal po gang de yi/ /gdung 'tshob dga'
108b3 ldan theg chen ston/ /mi gnas bcu dus cho 'phrul snang / /lang ka'i bdag po de ltar na las dang po pa'i rigs kyi bu de dag ni rigs lngar skye ba blangs pa de nas kyang bskal pa dpag tu med pa brjod pa
108b4 las 'das pa'i thog ma dang tha ma med pa'i dus na sangs rgyas lnga la byang chub mchog tu sems bskyed nas 'khor los sgyur ba'i rgyal po rnam par snang byed kyi bu lngar skyes pa ni 'di lta ste/ mdzes pa'i me tog
108b5 dang / bsam gyis mi khyab pa'i dpal dang / nor sbyin 'dzin dang / zla tshes dpal dang / kun la mdzes pa'i 'od ces bya ba lngar gyur te/ de dag las kyi dang po 'dun pa'i rnal 'byor par gyur pa nyid la yid la byed
108b6 pa zhes bya ba thob bo/ /des nam mkha' la 'gro ba'i ltas mthong bar gyur to/ /de nas rigs chen 'byed pa'i rnal 'byor par gyur pa nyid la 'phro 'du gcig pa'i ting nge 'dzin thob bo/ /des bdag nyid yi ge
108b7 'i phreng bar snang ba'i ltas mthong bar gyur to/ /de nas dbugs chen phyin pa'i rnal 'byor par snang ba nyid la yongs su mi ldog pa'i ting nge 'dzin thob bo/ /des 'jig rten gyis khams nor bu chen po ches
108b8 gang bar spyod pa'i ltas mthong bar gyur to/ /de nas lung chen thob pa'i rnal 'byor du snang ba nyid la de bzhin nyid kyi ting nge 'dzin thob bo/ /des seng ge dag la zhon te thams cad zil gyis gnon pa'i ltas
iiif viewer powered by OpenSeadragon
Texts on this page
J747 - de bzhin gshegs pa thams cad kyi thugs gsang ba'i ye shes don gyi snying po rdo rje bkod pa'i rgyud rnal 'byor grub pa'i lung kun 'dus rig pa'i mdo theg pa chen po mngon par rtogs pa chos kyi rnam grangs rnam par bkod pa zhes bya ba'i mdo