rKTs

e-texts navigator

Volume

Page

105a₁ sgo mor thams cad gsal/ /don la nges pa'i gtan tshigs ni/ /tshig tu mtshon te 'dzin par nus/ /chos rgyun ting 'dzin thob pa yin/ /kye lang ka'i bdag po de ltar na sems kyi de kho na nyid ni byang chub chen po yin la
105a₂ byang chub chen po ni rdo rje sems dpa'i ste/ de yang sangs rgyas kun gyi bdud rtsir gyur pa 'di lta ste/ byang chub sems kyi chu med na/ /rgyal ba rnams kyang skams par 'gyur/ /byang chub sems kyi chu bo 'dis/ /sngon zhen
105a₃ mtha' dang rdos skams rlan/ /sems kyi rang bzhin stong nyid pas/ /de las byung ba thams cad stong / /de stong pas na byang chub kyang / /stong nyid snying po de kho na/ /rang 'byung ye shes chu chen po/ /rmad byung rgya mtsho'i
105a₄ klong dkyil nas/ /byang chub bdud rtsi'i chu byung bas/ /rgyal ba thams cad bsil bar mdzad/ /'di ni gsang ba'i snying po ste/ /rdo rje sems dpa'i de kho na/ /nyid tu nges pa'i ngo bo yin/ /rgyal ba kun gyis dam
105a₅ par bsngags/ /de bas de'i phyir lang ka'i bdag po sems kyi de kho na nyid ngo shes par bya ba ni yun gyi don srid chen po'o zhes gsang ba pa'i bdag po des de skad smras pas thams cad rdo rje sems dpa'i
105a₆ de kho na nyid du rnam par grol ba'i lam du gyur to/ /sangs rgyas kun gyi dgongs pa 'dus pa'i mdo chen po las rdo rje sems dpa'i de kho na nyid ston pa'i le'u ste dgu pa'o// // de nas yang lang ka'i
105a₇ bdag pos gsang ba pa'i bdag po la dris pa/ gsang ba pa'i bdag po gsang sngags kyi ngo bo de sems kyi de kho na nyid de gang gi spyod yul du gyur/ smras pa/ lang ka'i bdag po de ni sangs rgyas bcom
105a₈ ldan 'das rnams kyi spyod yul du gyur gyi sa dang sa la gnas pa rnams kyi ni ma yin no/ /de ci'i phyir zhe na/ de ni 'di ltar brtag par dka' zhing bstan par dka' la brjod pa'i tha snyad rnams dang bral ba'i phyir ro/ /

_{iiif viewer powered by OpenSeadragon}

104b - 105b

Texts on this page