| e-texts navigator |
| བོད་ཡིག |
101b1 gtam rgyud brjod pa chos kyi phyag rgya'i ye shes rnam par bgros pa ste byung tshul bstan pa gnyis pa'o/ / // bam po gnyis par zug pa/ de nas lang ka'i bdag pos yang gsang ba pa'i bdag po la sngon byung ba'i tshig bcu gnyis pa'i
101b2 gsum pa'i gang gis nges pa rnyed pa na yang byung zhes bstan pa dris pa/ kye gsang ba pa'i bdag po nyid kyis theg pa chen po gsang ba dam pa byung ba'i tshul ston pas lung bstan pa gtam du brjod pa'i skabs su gang gis nges pa rnyed
101b3 pa na yang byung zhes bkod pa de ji lta ba zhig du rnyed de grags pa lags/ smras pa/ lang ka'i bdag po gang gis gsang sngags kyi ngo bo rdo rje sems dpa' de kho na nyid kyi nges pa phyin ci ma log pa rnyed pa de kho na nyid la bya'o/ /smras pa/
101b4 gsang ba pa'i bdag po gsang sngags kyi ngo bo rdo rje sems dpa' de gang nas byung / gang na gnas gang du snang / ji ltar byung de skad ces dris pa las/ gsang ba pa'i bdag pos smras pa/ kye lang ka'i bdag po gsang sngags kyi ngo
101b5 bo nyid rdo rje sems dpa' de ni 'khor ba dang bcas mya ngan las 'das pa gnyis kyi khams nas byung ngo / /sangs rgyas kun gyi thugs dang sems can kun gyi sems la gnas so/ /zhing khams mtha' yas par snang ngo / /ye ji bzhin
101b6 pa dang / rgyud dag par rang byung ngo / /yang lang ka'i bdag pos dris pa/ gsang ba pa'i bdag po rdo rje sems dpa' nyid du nges pa gang la gzhag par bgyi/ gsang ba pa'i bdag pos smras pa/ lang ka'i bdag po rdo rje sems dpa' ni
101b7 gcig dang tha dad pa'i ngo bo nyid las grol te chos rnams kyi chos nyid ma bcos ma slad pa/ snying po byang chub tu ye nas gnas pa de la ye ji bzhin pa'i rdo rje sems dpa' zhes gdags so/ /sems can kun gyi sems kyi chos nyid gang
101b8 mthong ba'i gnas skabs la ni rgyud dag pa'i rdo rje sems dpa' zhes gdags so/ /de bzhin du sangs rgyas thams cad kyang ye ji bzhin pa dang / rgyud dag pa'i sangs rgyas su rnam par snang ngo / /de bas na rdo rje sems dpa'i nges
iiif viewer powered by OpenSeadragon
Texts on this page
J747 - de bzhin gshegs pa thams cad kyi thugs gsang ba'i ye shes don gyi snying po rdo rje bkod pa'i rgyud rnal 'byor grub pa'i lung kun 'dus rig pa'i mdo theg pa chen po mngon par rtogs pa chos kyi rnam grangs rnam par bkod pa zhes bya ba'i mdo