| e-texts navigator |
| བོད་ཡིག |
8b1 de yi nang na ni/ /bud med gnas par rnam par bstan/ /'jug pa pos ni khyad par du/ /der ni the tshom mi bya'o/ /de nas ra ba rnam lnga dang / /rgyal po'i sgo dang rta babs dang / /gser gyi rang bzhin ka ba ni/ /bud med
8b2 rin chen rnams kyis spras/ /bcud len rnams dang rin chen rnams/ /gdon mi za bar de na gnas/ /bu ga'i sgo ru khyad par du/ /gang na pad ma'i dri yod pa/ /gzhan len bu gar der shes bya/ /'dod pa kun
8b3 gyis rnam par brgyan/ /brtul shugs can gyis der 'jug go/ /brtul shugs med pas nam yang min/ /de na rnam pa du ma gnas/ /gang 'dod de ni brtag pa bya/ /bu ga'i sgo ru khyad par du/ /gang na
8b4 sbrang rtsi'i dri yod na/ /bu ga'i logs ni thams cad la/ /de na bung ba yod pa ste/ /de la the tshom mi bya'o/ /de na gnas pa'i bung ba sogs/ /rig pa 'dzin pa khyad par du/ /sngags grub pa la rtsed mi 'gyur/ /
8b5 bu ga'i sgo ni thams cad du/ /gang na sa yi dri yod pa/ /sa la rin chen ji snyed pa/ /rgya mtsho yang ni khyad par du'o/ /lha ma yin rnams kun gyi dang / /mi yi gtso bo rnams kyi dang / /gnod sbyin dag ni rnams kyi yang / /bu ga'i
8b6 mchog der thams cad gnas/ /rig pa 'dzin pas der bzhugs pas/ /'dod pa thams cad thob par 'gyur/ /bu ga'i nang na lug gi dri/ /gang dag yod na bu ga de/ /'khrul 'khor med par shes par bya/ /'dod pa
8b7 kun gyis rnam par brgyan/ /chu skyar dang ni chu skyar mo/ /mnyam du spyod cing lhan cig tu/ /bu ga'i nang na gnas na ni/ /bu ga de yi 'khrul 'khor med/ /de na dngul chu bcu gcig yod/ /de ni bu ga'i dam pa'o/ /bu ga dag
8b8 ni brkos pa na/ /gang du lugs bkong mthong gyur na/ /bu ga de ni rin chen gang / /mkhas pa yis ni 'jug par bya/ /zhugs pa tsam na mthong 'gyur ba/ /dkyus su dpag tshad phyed pa yi/ /de na thang ni legs par yod/ /
iiif viewer powered by OpenSeadragon
Texts on this page
J714 - 'phags pa rdo rje sa 'og gi rgyud kyi rgyal po zhes bya ba