rKTs

e-texts navigator

Volume

Page

71b₁ bcom ldan 'das la mngon bar bstod nas yang rin po che'i pad ma'i snying po la 'dug ste/ bcom ldan 'das legs so zhes gsol nas rdo rje'i rnam par thar pa'i sgo chen po'i ting nge 'dzin bdud kyi dkyil 'khor thams cad
71b₂ 'joms par byed pa zhes bya ba la snyoms par zhugs so/ /gsang ba pa'i bdag po lag na rdo rjes rdo rje'i rnam par thar pa'i sgo chen po'i ting nge 'dzin bdud kyi dkyil 'khor thams cad 'joms par byed pa zhes bya ba 'di la snyoms par zhugs
71b₃ ma thag tu de nas de'i tshe stong gsum gyi stong chen po'i 'jig rten gyi khams 'di rnam pa drug tu g.yos/ kun du rab tu g.yos te/ shar phyogs mtho na nub phyogs dma'/ nub phyogs mtho na shar phyogs dma'/ lho phyogs mtho na byang
71b₄ phyogs dma'/ byang phyogs mtho na lho phyogs dma'/ steng mtho na 'og dma'/ 'og mtho na steng dma' bar gyur to/ phyogs thams cad dang / phyogs mtshams thams cad kyang dga' ba dang yid bde ba skyes par gyur nas/ lham me/
71b₅ lhan ne/ lhang nge'o/ /gsang ba pa'i bdag po lag na rdo rje'i yan lag dang nying lag gi mtshams thams cad nas rdo rje kun du 'bar ba/ rab tu 'bar ba kun du rab tu mched cing 'bar ba/ me lce gcig tu gyur pa dag byung bar kun du snang ngo / /
71b₆ rdo rje 'bar ba'i snang ba des phyogs bcu'i 'jig rten gyi khams tshad med grangs med dpag tu med pa ji snyed pa dag na sangs rgyas bcom ldan 'das gang dag da ltar bzhugs te 'tsho zhing gzhes la chos kyang ston te/ tshangs par spyod pa/
71b₇ thog mar dge ba/ bar du dge ba/ tha mar dge ba/ don bzang po/ tshig 'bru bzang po/ ma 'dres pa/ yongs su rdzogs pa/ yongs su dag pa/ yongs su byang ba/ yang dag par ston pa/ nyan thos kyi dge 'dun dang bcas pa/ byang chub
71b₈ sems dpa'i dge 'dun dang bcas pa de dag gi 'khor gyi khyams rgya che zhing rgya che ba dag na kun du snang ngo / /byang chub sems dpa' de dag thams cad kyang de bzhin gshegs pa de dag gi spyan snga na rdo rje 'bar ba'i snang ba rgya chen po des

_{iiif viewer powered by OpenSeadragon}

71a - 72a

Texts on this page