| e-texts navigator |
| བོད་ཡིག |
6b1 lag pa g.yas pa rdo rje steng du phyar nas rkang pa brkyang bskum du gnas pa ni rdo rje smod pa'i phyag rgya'o/ /lag pa g.yon pa rdo rje rtse gcig pa snying ga'i phyogs su bzhag la/ lag pa g.yas pa'i sor mo gsum gyis rgyas
6b2 btab nas brkyang bskum du gnas pa 'di ni rdo rje gzhan la smod pa'i phyag rgya'o/ /sngags ni oM bi bin+d+ha bi bin+d+ha hU~M phaT/ 'phags pa rdo rje sa 'og gi rgyud ci snyed pa las sngags dang phyag rgya'i le'u ste gnyis pa'o// //
6b3 gang gi tshe skyes bu dpa' bo dpal gyi sgor 'jug par 'dod par gyur na/ des rdo rje khro bo'i bsnyen pa sngon du byas la phyis 'jug par bya'o/ /de la sngon du bsnyen pa ni 'bum phrag brgyad slongs mo za zhing smra ba bcad la/
6b4 sems can thams cad la byams pa'i sems dang de bzhin gshegs pa mchod pa la dga' bas rten cing 'brel par 'byung ba'i snying po'i mchod rten byas la/ de'i mdun du ri bo'am chu bo 'dus pa'am/ shing gcig
6b5 pa'am/ ba glang gi lhas sam/ bas mtha' 'am/ mchod rten gang yang rung ba'i gnas su byang chub kyi sems rjes su dran pas de bzhin gshegs pa thams cad la gsol ba btab nas/ sdig pa bshags te/ bla na med par bsngos
6b6 la dam pa'i chos ston te rjes su dran par byas la/ mchod rten gyi las la rjes su gnas nas lus dang srog la dga' ba dor te/ dus gsum du phyag rgya dang / dbang bskur zhing dus gsum du khrus byas la/ de lta bu'i tshul gyis bsnyen
6b7 pa bya'o/ /gang dag rmi lam 'am/ mngon sum mtshan ma mthong na re shig mi 'jug ste/ de yang rmi lam ni glang po che chen po zil gyis mnan pa'am/ gzir ba'am/ bros pa'am/ 'gyel ba'am/ gang dag
6b8 shi ba de lta bu mthong na de nas 'jug par bya'o/ /yang na mngon sum ste sgo 'phar gyi mtshams bcom pa'am/ rdo chen po ltung ba'am/ khros nas gza' chen po 'gugs pa'am/ gdug pa rnams dang / gtum po dang /
iiif viewer powered by OpenSeadragon
Texts on this page
J714 - 'phags pa rdo rje sa 'og gi rgyud kyi rgyal po zhes bya ba