rKTs

e-texts navigator

Volume

Page

68b₁ rab dang / thabs dang / stobs dang / smon lam dang / ye shes kyi pha rol tu phyin pa dang / dka' ba spyad pas mngon bar grub pa'i skyes bu chen po'i mtshan sum bcu rtsa gnyis dang / dpe byad bzang po brgyad bcus sku brgyan pas ni
68b₂ mdzes shing rin po che rdo rje'i pad ma'i snying po'i seng ge'i khri la ni bzhugs te/ gdan rin po che dang / rdo rje'i pad ma'i seng ge'i khri ri rab tsam rdo rje dang / rin po che dang / mu tig dang ldan pa'i dril bu g.yer ka'i dra ba du ma sil sil
68b₃ sgra 'byung ba/ rdo rje dang rin po che du ma'i stegs bu la rtsa ba legs par brten pa/ rdo rje dang rin po che du ma'i chu srin gyi kha nas byung ba'i mu tig dmar po'i phreng ba dang ldan pa'i snam brten dang bcas pa/ rin po che du ma'i pad ma'i
68b₄ snying po la chags pa'i rin po che ke ke ru dang / ke ke ru chen po dang / an da rnyil dang / mthon ka chen po dang / dun las du ma'i 'od zer 'bar bas snang bar gyur pas kun du mdzes pa/ rin po che dang / rdo rje'i thur mas brgyan pa'i gdugs
68b₅ yu bas bstod pa bye ba khrag khrig 'bum phrag du mas grib mar bsgribs shing bskyabs pa/ dpag bsams gyi shing du mas mdzes par byas pa rgya che ba la bzhugs te/ gser gyi ri bo ltar dpal gyis 'bar ba/ nyi ma stong bas lhag
68b₆ pa'i 'od kyi dkyil 'khor 'byor pas sa phyogs mdzes par gyur pa/ zla ba nya ltar 'jig rten kun gyis mthong na dga' ba/ dpag bsam gyi shing ljon pa chen po ltar sangs rgyas kyi chos rnams kyis yang dag par rgyas pa chos ston te/
68b₇ tshangs par spyod pa/ thog mar dge ba/ bar du dge ba/ tha mar dge ba/ don bzang po/ tshig 'bru bzang po/ ma 'dres pa/ yongs su rdzogs pa/ yongs su dag pa dang / yongs su dkar ba yang dag par ston to/ /de nas bcom ldan 'das kyi spyi
68b₈ gtsug gi mtshams kyi mdzod spu nas sangs rgyas kyi zhing thams cad kun du ston pa zhes bya ba'i 'od zer gyi dra ba chen po byung ste/ 'od zer gyi dra ba des stong gsum gyi stong chen po'i 'jig rten gyi khams 'di snang bas gsal bar byas par

_{iiif viewer powered by OpenSeadragon}

68a - 69a

Texts on this page