| e-texts navigator |
| བོད་ཡིག |
67a1 cad kyang dgra bcom pa/ zag pa zad pa/ srid par kun tu sbyor ba chad pa/ yang dag pa'i shes pas sems shin du rnam par grol ba/ rdzu 'phrul gyi stobs dang / cho 'phrul bsam gyis mi khyab pas/
67a2 rnam par 'phrul ba'i mthu chen po thob pa/ lta ba chags pa med pa/ thams cad kyang dri ma dang bral ba/ kun nas nyon mongs pa'i bag chags kyi sa bon nges par bsregs pa sha stag la 'di lta ste/ tshe dang ldan pa shA
67a3 ra dwa ti'i bu dang / tshe dang ldan pa byams ma'i bu gang po dang / tshe dang ldan pa ka pi na dang / tshe dang ldan pa rab 'byor dang / tshe dang ldan pa maud gal gyi bu chen po dang / tshe dang ldan pa skul byed dang / tshe dang ldan pa dga' byed dang /
67a4 tshe dang ldan pa ga ya 'od srung dang / tshe dang ldan pa 'od srung chen po dang / tshe dang ldan pa lteng rgyas 'od srung dang / de dag la sogs pa nyan thos chen po rab tu mang po dang / lha'i bu dbang phyug chen po la sogs pa gnas gtsang ma'i
67a5 ris kyi lha'i bu grangs med dpag tu med pa gzhal du med pa dag dang / mi mjed kyi bdag po tshangs pa dang / lha'i bu tshangs pa bzang po la sogs pa tshangs ris kyi lha'i bu rnams dang / lha'i bu rab 'thab bral g.yog 'thab
67a6 bral gyi lha'i ris kyi lha'i bu dang bcas pa dang / yongs su dga' ldan dang / 'phrul dga' dang / gzhan 'phrul dbang byed dang / lha'i dbang po brgya byin lha'i bu thams cad kyi 'khor can dang / lha ma yin gyi dbang po
67a7 thags zangs ris dang / stobs can dang / rab sim dang / sgra gcan dang / rnam par snang byed dang / de dag la sogs pa lha ma yin gyi dbang po tshad med grangs med dpag tu med pa rnams dang / klu'i rgyal po rgya mtsho dang / ma dros pa dang /
67a8 'jog po dang / nor rgyas kyi bu dang / dung skyong dang / stobs kyi rgyu dang / pad ma dang / pad ma chen po dang / mtha' yas dang / de dag la sogs pa klu'i rgyal po tshad med grangs med dpag tu med pa dag dang / mi 'am ci'i rgyal po
iiif viewer powered by OpenSeadragon
Texts on this page
J718 - 'phags pa rdo rje'i ri rab chen po'i rtse mo'i khang pa brtsegs pa'i gzungs