rKTs

e-texts navigator

Volume

Page

4b₁ rang nyid kyi rtog pa dang / rgyud gzhan du gsungs pa'i sgrub pa'i thabs rnam pa sna tshogs kyi bya ba mi bya la/ rtog pa gzhan gyi cho ga 'dod pas bsgrub par mi bya'o/ /de skad ces bka' stsal pa dang / lha ma yin dang / lha ma yin gyi dbang po dga'
4b₂ zhing rangs te rab tu tshim pa dang mgu ba skyes nas rang nyid kyis phyag na rdo rje'i dkyil 'khor mthong nas nges par byung bar byas te/ bcom ldan 'das thams cad kyi bran du gyur to/ /de nas bcom ldan 'das byang chub sems dpa' sems
4b₃ dpa' chen po phyag na rdo rjes lha'i mig gis 'khor gyi dkyil 'khor la rnam par bltas nas dam tshig gi dkyil 'khor bka' stsal pa/ grong ngam grong khyer gyi sa'i phyogs legs par brtags nas dbang ldan gyi phyogs nas brtsams
4b₄ te/ rdo dang / gseg ma dang / rus pa dor nas rgyu skar dge ba la rjes su 'thun pa'i tshon rtsi lnga'i phye mas dkyil 'khor gru bzhi pa/ khru bzhi pa/ sgo bzhi pa/ 'dod pa drug pa can yang dag par bri bar bya'o/ /sgo dang sgo'i mtshams
4b₅ rnams su rdo rje dang yungs kar gzhag par bya'o/ /shar phyogs kyi char sangs rgyas bcom ldan 'das bri bar bya'o/ /byang du 'jig rten dbang phyug /lhor rdo rje 'chang / nub du chung ma dang bcas pa'i khyu mchog gi rgyal mtshan can
4b₆ no/ /dbang ldan du dri ma med pa'i blo gros lag par rnga yab 'dzin pa'o/ /mer snying po'o/ /lus ngan du rjes su spyod pa'o/ /rlung du las thams cad pa'o/ /dbus su rdo rje sa 'og lag par rdo rje dang dgra sta 'dzin pa bri bar bya'o/ /
4b₇ snying po dang rjes su spyod pa la dbyug gu dang tho ba bri bar bya'o/ /las thams cad pa la rdo rje'o/ /shar gyi sgor sman thams cad dang / rgyan thams cad dang / dngul chu dang bcud len dang lha ma yin gyi bu mo dang grub pa'i rdzas la sogs
4b₈ pa dang / mig sman dang ldong ros dang ral gri dang / rin po che sngon du 'gro ba gzhag par bya'o/ /lho'i sgor lha ma yin brgyad ni stobs can dang / stobs can gyi bu dang / bde mchog dang / thags zangs ris dang / bde ldan dang /

_{iiif viewer powered by OpenSeadragon}

4a - 5a

Texts on this page