| e-texts navigator |
| བོད་ཡིག |
35b1 shangs kyi bu ga nas rlung chen po ro 'tsho bar byed pa byung bar gyur te/ de byung ba tsam gyis 'byung po dang 'byung mo rnams kyi lus la zhugs so/ /zhugs pa tsam gyis 'byung po dang 'byung mo rnams langs te cher 'jigs shing rab tu 'dar
35b2 bar gyur pas bcom ldan 'das bskyab tu gsol/ bde bar gshegs pa bskyab du gsol/ bcom ldan 'das kyi bka' bzhin bgyid do zhes smras so/ /de nas 'byung po'i bdag po bzhan gyis mi thub pa 'khor gyi dkyil
35b3 'khor der bcom ldan 'das kyi zhabs la spyi bos phyag 'tshal nas bcom ldan 'das khro bo'i bdag po chen po dpal srid pa gsum las rnam par rgyal ba bde bar gshegs pa bskyab du gsol/ bcom ldan 'das yongs su bskyab
35b4 du gsol/ de nas bcom ldan 'das kyis bka' stsal pa/ 'byung po'i bdag po gling bzhi pa thams cad kyi mi rnams la dngos grub rdzogs par byin cig /'dzam bu'i gling pa'i mi rnams la dngul chu dang bcud kyis len pa'i
35b5 rdzas rnams sgrub cing bde bar byin cig / dbyig dang gser dang / dngul dang / mu tig dang / bai dUr+ya dang / pad+ma rA ga dang / me dang chu yi shel dang / spos dang lha'i na bza' rnams byin cig /
35b6 'di zlos pa'i 'bras bu 'grub par gyis shig /bsnyen bkur gyis shig de bzhin gshegs pa thams cad zlos pa'i rin po che'i cod pan dang / gos dang dri dang / bdug pa dang / me tog la sogs pa dang yo byad dang /
35b7 rdzas thams cad bgegs med par byin cig /rgyal po'i 'jigs pa dang / dgra'i 'jigs pa dang / seng ge'i 'jigs pa dang / stag gi 'jigs pa thams cad zlog cig /kye kye gzhan gyis mi thub pa 'byung po'i
35b8 dbang phyug chen po myur du myur du nyon cig nyon cig / le lo can dang tshul khrims 'chal ba dang / sdig pa byed pa dang brdzun smra ba rnams la nges par dngos grub byin cig /gal te rig sngags 'chang la dngos grub mi
iiif viewer powered by OpenSeadragon
Texts on this page
J715 - 'byung po 'dul ba zhes bya ba'i rgyud kyi rgyal po chen po