| e-texts navigator |
| བོད་ཡིག |
331b1 gzhir gyur pa des na sbyin bdag chen po bdag nyid che ba che ge mo zhig gi lus dge ba bcu'i las kyi lam gyis bsgrubs pa la tshe dang / kha dog dang / stobs dang / gzi byin dang / longs spyod dang / dbang phyug dang /
331b2 shes rab dang / spobs pa phun sum tshogs par gyur cig /sbyin bdag gi bsod nams ma skyes pa rnams ni skye bar gyur cig /sbyin bdag gi longs spyod skyes zin pa rnams ni 'phel zhing rgyas par gyur cig /de bzhin du
331b3 sbyin bdag gi pha ma mchog tu dka' ba byed byed pa/ gso gso/ gnam gnam/ bskyed bskyed/ bsring bsring la 'dzam bu'i gling bkra yer yer mig gis mthong bar byed pas kyang bsod nams kyi phud kyi skal shas thob
331b4 par gyur cig / de bzhin du sbyin bdag gi chung ma rnams dang / bu rnams dang / bu mo rnams dang / sbyin bdag gi gnyen mdab mdza' bshes rgyas pa'i tshan ris gang dag 'khod cing 'tsho la gnas pa de dag kyang tshe ring zhing /
331b5 longs spyod che la g.yog 'khor mang bar gyur cig /gang dag 'das shing tshe 'phos pa de dag kyang 'gro ba dang / skye ba'i gnas dang gnas tha dad pa'i khyad par thob par gyur te/ lha'i gnas su skyes par gyur nas/
331b6 'phags pa byams pa'i zhal snga nas mnyes par byed par gyur cig /de bzhin du rgyal po'i mchog rgyal po chen po mnga' bdag dam pa dpal lha btsan pos ma phebs pa rnams ni phebs par gyur cig /phebs zin pa rnams
331b7 ni cham du phebs par gyur cig / stobs kyi 'khor los sgyur ba'i rgyal srid kyang brnyes par gyur cig /de bzhin du nye 'khor gyi grong na gnas pa'i rigs bzhi ste/ bram ze dang / rgyal rigs dang / rje'u rigs dang /
331b8 dmangs rigs la sogs pa yul gyi mi rnams la nad med cing gnod pa med par gyur cig /de bzhin du mi mjed kyi bdag po tshangs pa dang / lha'i dbang po brgya byin dang / 'jig rten skyong ba bzhi dang /
iiif viewer powered by OpenSeadragon
Texts on this page
J744(a) - sbyin pa'i rabs las 'byung ba'i smon lam