rKTs

e-texts navigator

Volume

Page

32a₁ ldan pa dang / pha ma la gus pa dang / bla ma la sri zhu che ba des thams cad 'grub par 'gyur ro/ /rig pa 'dzin pas sngags sgrub pa sngon bzhin sgrub pa dang ldan na tshe'i dus byas kyang gang 'dod pa
32a₂ sems shing shi bas de shi ba tsam gyis de dang der skye bar 'gyur te/ rig pa 'dzin pa'i 'khor los sgyur ba chen po'am/ yang na rig pa 'dzin pa'i rigs sam/ dbang phyug chen po'i rigs sam gdol pa'i rig
32a₃ pa 'dzin pa'i rigs de lta bu'i rim pa gang 'dod pa'i bsam pas sngags bsgrubs pas de lta bu'i rigs su 'grub par 'gyur ro/ /sgrub pa chen po la 'bad pa'i rig pa 'dzin pas/ rdo rje dang / 'khor lo dang /
32a₄ rtse gsum dang / dbyug gu dang / zhags pa dang / mdung thung dang / dbyug tho dang / pad ma dang / dung dang / lcags kyu dang / spyi blugs la sogs pa rnams la rkang pas brdzi bar mi bya'o/ /sa la bris pa la yang
32a₅ de bzhin du bya'o/ /'di ltar rdo rje 'chang ba'i rdo rje dang / khyab 'jug gi 'khor lo dang / lha chen po'i rtse gsum dang / gshin rje'i dbyug gu dang / chu lha'i zhags pa dang / gzhon nu'i mdung thung dang / stobs lha'i dbyug
32a₆ tho dang / byang chub sems dpa' rnams kyi pad ma dang / rdo rje lcags kyu'i lcags kyu dang / tshangs pa'i spyi blugs te/ phyag rgya chen po'i dngos grub gang thob par 'dod pa bdag nyid kyis rdo rje la sogs pa de dang de dag phyag
32a₇ rgya chen po'i rkang pas brdzi bar mi bya'o/ /gang gi tshe rig pa 'dzin pa'i gsang sngags bsgrub pa na rig pa'i lha dngos grub mi ster na des las 'dis rig pa mnyes par bya ste dri thams cad kyis rig pa'i lha'i gzugs
32a₈ brnyan byas la/ bcom ldan 'das phyag na rdo rje'i zhabs kyi drung du bzhag ste zhag gsum du smyung bar gnas la nag po'i brgyad pa'am/ nag po'i bcu bzhi la spyan dang lhan cig pa'i rig sngags kyis gna' ma'i me

_{iiif viewer powered by OpenSeadragon}

31b - 32b

Texts on this page