rKTs

e-texts navigator

Volume

Page

30b₁ te bya'o/ /gang gi tshe der me bzang por gyur na de nas las 'grub par 'gyur ro/ /thog ma kho nar sngags kyi lha spyan drangs te phyis bcing bar bya'o/ /thog mar de ltar ma byas na rig pa 'grub par mi 'gyur ro/ /
30b₂ spyan drangs nas dri'i chus gang ba'i snod du me tog dkar po dang ldan pa la sangs rgyas bcom ldan 'das kyi spyan sngar phyogs te/ gsang sngags brgyad brgya bgrang bar bya'o/ /sgrub pa chen po 'byung ba'i mtshan ma rnams
30b₃ 'byung ste glo bur du dung gi sgra'am/ 'brug gi sgra thos pa dang dri zhim po byung na de nas rig pa'i lha 'ongs par shes par bya'o/ /gal te ma 'ongs na bcom ldan 'das spyan dang lhan cig pa la sngar bzhin du mchod yon
30b₄ bzung ste brgyad brgya bzla'o/ /'ong bar 'gyur ro/ /byon pa dang dkyil 'khor bcing ba dang / phyogs bcings la gtor ma dang lha bshos dbul bar bya'o/ /de nas mig sman dang ldong ros la sogs pa rnams bsgrub par
30b₅ bya'o/ /sngon du sbyangs te phyis bsgrub par bya'o/ /mig sman dang ldong ros la sogs pa rnams la nyin mtshan du 'o mas bran zhing gzhag go/ /de nas bton la ji ltar nus pas dge 'dun la dga' ston bya'o/ /skar ma rgyal la
30b₆ sangs rgyas bcom ldan 'das kyi spyan sngar mchod pas mchod la ras dkar po ma nyams pas g.yogs te/ bsod nams mchod la rtag par bya'o/ /brtags pa na sngon gyi mtshan ma byung na las 'grub par shes par
30b₇ bya'o/ /mtshan ma gzhan yang sil snyan gyi sgra dang / dung gi sgra dang rgyal ba'i sgra byung na sil snyan gyi sgras rig pa 'dzin pa chen po 'grub par 'gyur ro/ /rgyal ba'i sgras mkha' la 'gro ba 'grub par 'gyur ro/ /dung gi
30b₈ sgras dbang du byed pa 'grub par 'gyur ro/ /rdzas btags te ming med kyis ri lu lnga bya'o/ /ras ma nyams pa'i steng du bzhag ste/ grib ma la skam par bya'o/ /de nas a shwad tha'i shing gi steng du bzhag nas zhag bdun du lhag

_{iiif viewer powered by OpenSeadragon}

30a - 31a

Texts on this page