rKTs

e-texts navigator

Volume

Page

307b₁ dpal chen po dang / stobs mchog dang / sgron ma ste/ de dag la sogs ba sngon byung ba dang / phyis 'byung ba'i rgyal ba gang dag yon tan gyi klung dpag tu med par gyur pa/ 'khor ba'i chu bo'i 'dam rdzab las yang dag par rgal ba/
307b₂ gtong ba dang ldan zhing tshul khrims rnam par dag la bzod pa chen po'i mchog dang ldan pa/ brtson 'grus sbyangs shing snying po g.yo ba mi mnga' ba'i bsam gtan chen po dang ldan pa/ mkhyen rab rno ba thogs pa med pa dang ldan
307b₃ pa/ sems can la thugs rje dang tshogs dang / rdzogs pa'i byang chub kyi thugs skye ba rab tu 'byung ba/ 'jig rten thams cad la thugs brtse ba/ don la mngon par brtson pa/ sems can gyi snying po/ skye dgu la byams ba/ g.yo mi
307b₄ mnga' ba/ dga' ba mi mnga' ba/ chags pa mi mnga' ba/ byams pa'i thugs kyi bdag nyid can/ lha'i yang lha dang / mi'i mchog gis rjed pa/ lha'i yang lha ste/ rgyal ba de rnams la bdag gi lus dang ngag dang / sems
307b₅ gus pa rnam pa du mas phyag 'tshal lo/ /rgyal ba de rnams kyis bdag sdig pa las rnam pa thams cad tu bskyab tu gsol/ sdug bsngal du mas gdungs pa'i sems can thams cad kyang rab tu brtson pas drang du gsol/
307b₆ thugs rje chen po dang ldan pas bdag kyang ngan 'gro dag las drang zhing de bzhin du rdzogs pa'i byang chub tu myur du gzhag tu gsol/ drang srong chen po rnams kyi mtshan brjod pa'i/ /dge ba bdag gis bsgrubs pa gang lags pa/ /
307b₇ de yis bdag ni tshe rabs thams cad tu/ /thub dbang de dang lhan cig 'grogs par shog /chos dang zang zing mchod pas bde bar gshegs/ /de la nyon mongs med par bdag gis mchod/ /mchod pa bgyis shing lam gnyis la
307b₈ brten nas/ /'gro ba rdzogs pa'i sangs rgyas nyid gyur cig /de bzhin gshegs pa de dag gi mtshan thos pa dang / mos pa dang / 'dzin pa dang / 'chang ba dang / yongs su bsgrags pas sgrib pa thams cad zad par 'gyur/ ngan 'gro'i

_{iiif viewer powered by OpenSeadragon}

307a - 308a

Texts on this page